4, డిసెంబర్ 2019, బుధవారం

పుస్తక పఠనం వలన ప్రయోజనాలు ఎన్నో! | Benefits of Reading a Book

ఒకప్పుడు యువకుల చేతుల్లో సాహిత్య,సామాజిక రంగాలకు సంబంధించిన పుస్తకాలు విరివిగా కనిపించేవి.చదివిన పుస్తకాల గురించి విలువైన చర్చలు జరిగేవి.కానీ ఇప్పుడు అలాంటి పరిస్తితి మచ్చుకు కూడా కనిపించడం లేదు.పుస్తకం స్థానంలో సెల్ ఫోన్ హస్తభూషణమైంది.
   "క్లాసు పుస్తకాలు చదవడానికి టైం సరిపోవడం లేదు.ఇక సాహిత్య పుస్తకాలు కూడానా"అనేది ఒక సాకు మాత్రమే.మనస్సుంటే మార్గం ఉంటుంది.చదవాలని కోరిక ఉండాలే గానీ సమయం తప్పకుండా దొరుకుతుంది.
   పుస్తకాలు చదవడం అనేది సాహిత్యపరిచయానికో,కాలక్షేపానికో కాదు...పఠన ప్రభావం వల్ల వ్యక్తుల మానసిక పరిధి విస్తరిస్తుందని రకరకాల పరిశోధనలు తెలియజేస్తున్నాయి.నిజానికి బాల్యంలోనే చదవడం మొదలుపెట్టాలి.వీలు కానప్పుడు టీనేజ్ లో తప్పనిసరిగా పుస్తకపఠనాన్ని అలవాటు చేసుకోవాలి.బ్రిటన్ లోని నేషనల్ లిటరసీ ట్రస్ట్ తాజా అధ్యయనం మరోసారి పుస్తక పఠన విలువను ప్రపంచానికి చాటింది.పుస్తకాలు చదివే అలవాటు ఉన్న టీనేజర్లకు, లేని టీనేజర్లకు మధ్య వ్యత్యాసాలను అధ్యయనం చేసారు.పుస్తకాలు చదవని వారితో పోల్చితే, చదివే వారు లోకజ్ఞానంలోనే కాదు,రకరకాల సామర్ధ్యాలలోనూ మెరుగైన ప్రతిభను కనబరుస్తున్నారని ఎన్.ఎల్.టి అధ్యయనం చెబుతుంది.

   పుస్తక పఠనం వల్ల ఉపయోగం ఏమిటి?
  • టీనేజీలో పుస్తకాలు చదివే అలవాటు వల్ల చాలా ఉపయోగాలు ఉన్నాయి.వీటిలో ముఖ్యమైనది...లక్ష్యాన్ని నిర్ధారించుకునే స్పృహ ఏర్పడుతుంది.లక్ష్యాన్ని చేరుకునే పట్టుదల వస్తుంది.
  • సామాజిక సమస్యలపై అవగాహన,సామాజిక స్పృహ ఏర్పడతాయి.
  • పఠనాన్ని ఆహ్లాదకరమైన అనుభవంగా భావించేవాళ్లు మిగిలిన వాళ్లతో పోల్చితే భిన్నంగా ఆలోచించగలరు.క్లిష్టమైన సమస్యలకు సులువైన పరిష్కారాలను కనుక్కోగలరు.
  • పదిమందిలో ఆకర్షించేలా మాట్లాడే నైపుణ్యం పెరుగుతుంది.
  • స్వీయ విశ్లేషణ సామర్ధ్యం పెరుగుతుంది.దీనివల్ల తప్పులను,లోపాలను వేరొకరు వేలెత్తి చూపడానికి ముందే వాటిని సరిదిద్దుకోవచ్చు.
  • చర్చలలో వాదన నైపుణ్యం పెరుగుతుంది.

అమ్మాయిలే ఫస్ట్...
       పాశ్చాత్య దేశాలలో అబ్బాయిలతో పోల్చితే అమ్మాయిలే ఎక్కువగా పుస్తకాలు చదువుతున్నారు.దీనివల్ల అబ్బాయిల కంటే అమ్మాయిలలోనే సానుకూల దృక్పధం ఎక్కువగా కనిపిస్తుంది.

30, సెప్టెంబర్ 2019, సోమవారం

రెండు సందర్భాలలో మాటల పొదుపు అత్యవసరం!

మీరు ఎప్పుడైనా కోపంలో ఉన్నప్పుడూ, ఆవేశం కలిగియున్నప్పుడూ ఎట్టి సమయంలోనూ మాటలు మాట్లాడకండి.. ఎందుకంటే ఆమాటల పట్ల నియంత్రణను మనం కోల్పోతాము. ఏమి మాట్లాడుతున్నామో అర్ధం కానీ పరిస్థితిని కలిగియుంటాము. దాని వలన ఎదుటి వారికి మనం చులకన అయ్యిపోవడం, నేరం చెయ్యకపోయినా మనమే నేరస్తులుగా మిగిలిపోవడం జరుతుంది. కాబట్టి దయచేసి ఈ రెండు సందర్భాలలో నోరు మెదపకపోవడమే మేలు. ఇదే అనేక సమస్యలకు పరిష్కారం అవుతుంది. శుభం.

1, జులై 2019, సోమవారం

ఈ రోజు చెన్నై...రేపు మన ఊరు..?

🏢చెన్నై...భారతదేశం లో అదొక ప్రసిద్ధ  మహా నగరం....నోరూరించే రుచులతో, తర తరాల సంస్కృతిలో, పెద్ద పెద్ద ఆలయాలు, భవంతులు తో, కూత వేటు దూరం లో అద్భుతమైన బీచ్ తో సముద్ర గోషతో ,నిత్యం తన గుండా ప్రయాణించే వేలమంది ప్రయాణికులతో కిటకిటలాడే రద్దీ అయిన నగరం,

కానీ...ఇప్పుడు ఆ నగరం లో...

🚃🚃మెట్రో ట్రైన్ లో ఒక బోర్డ్...నీటి కొరత కారణంగా ఈ మెట్రో రైల్లో ఏసీ పని చెయ్యదు, అర్థం చేసుకోగలరు..

🍚హోటల్ బయట ఒక బోర్డ్- నీటి కొరత కారణంగా  ఒక మనిషి భోజనానికి ఒక గ్లాస్ నీరు మాత్రమే ఇవ్వబడును,అర్థం చేసుకోగలరు..

🚽టాయిలెట్ బయట ఒక బోర్డ్- నీటి కొరత కారణంగా  ఈ టాయిలెట్ మూసివేయ్యబడింది,అర్థం చేసుకోగలరు..

🖥సాఫ్ట్ వేర్ కంపెనీ బయట ఒక బోర్డ్-నీటి కొరత కారణంగా  ఉద్యోగులు భోజనానికి, ప్లేట్స్ కడుక్కోవాడిని సరిపడా నీరు మీరే తెచ్చుకోండి లేకపోతే ఇంటి దగ్గర ఉండే పని చెయ్యండి,అర్థం చేసుకోగలరు..

🏥హాస్పిటల్ లో ఒక బోర్డ్-నీటి కొరత కారణంగా రోగులు నీళ్ల బదులు సెలైన్  తో సరిపెట్టుకోండి..అర్థం చేసుకోగలరు..

👨🏻‍💻స్కూల్ లో ఒక బోర్డ్-నీటి కొరత కారణంగా మీ పిల్లల్ని కొద్దిరోజులు స్కూల్ కి పంపకండి, అర్థం చేసుకోగలరు..

🚿నగర వీధుల్లో ఒక బోర్డ్- నీటి కొరత కారణంగా  స్నానాలు చెయ్యడం కొద్దీ రోజులు మానేయండి,అర్థం చేసుకోగలరు..

అసలు ఏంటి అర్థం చేసుకొనేది?? మొన్నటికి మొన్ననే ఆ నగరం  భారీ వర్షాలు, వరదలు తో తడిసి ముద్దయింది... కానీ ఇప్పుడు గొంతెడుతున్న తాగడానికి నీటి చుక్క కూడా లేదు...మరి ఆ నీరు ఎటు పోయింది.. ??అసలు ఈ పరిస్థితి కి కారణం ఏంటి????

కారణం అందరికీ తెలిసిందే...ప్రజలు కానీ, ప్రభుత్వం కానీ  "సరైన నీటి సంరక్షన చర్యలు" తీసుకోపోవడమే...

మరి అక్కడ ప్రభుత్వం ఏం చేస్తుంది??? అక్కడ ప్రభుత్వం ప్రజలకు పథకాల ద్వారా అన్ని ఫ్రీ గా ఇస్తూ నీటి సంరక్షనను గాలి వదిలేసింది🤦🏻‍♂...ఇప్ప్పుడు వర్షాలు కోసం పూజలు చేయిస్తుంది🤷🏻‍♂...

మరి ప్రజలు ఏం చేస్తున్నారు?? ప్రజలు ఎండాకాలం లో నీరులేక ఏడుస్తారు,వర్షాల కోసం కప్పల పెళ్లిళ్లు చేస్తారు🤦🏻‍♂..కానీ వర్షాకాలం లో వర్షం నీరు వృధాగా పోతున్నా చూస్తూ పోతారు....🤷🏻‍♂

☀కానీ వారికి తెలీదు అనుకుంటా!! ఒక పనికి(నీటి సంరక్ష) మానవ ప్రయత్నం లేనప్పుడు వారికి  దేవుడు కూడా సాయం చెయ్యడు...

🌧🌧వస్తున్నది వర్షాకాలం కాబట్టి ఇంకుడు గుంతల ద్వారానో, చెరువుల ద్వారానో ,  మరెలానో సాధ్యమైనంత వరకు వర్షపు నీరు ఒడిసి పట్టుకుందాం, వర్షపు నీరు భూమిలోకి ఇంకెలా చేద్దాం ...మన ఊరు మరో  చెన్నై కాకుండా జాగ్రత్త పడదాం...🙏🙏

28, జూన్ 2019, శుక్రవారం

ఓపెన్‌స్కూల్‌ అడ్మిషన్లు ప్రారంభం | Open school admissions begin

*★ ఆంధ్రప్రదేశ్‌ సార్వత్రిక విద్యాపీఠం(ఓపెన్‌ స్కూల్‌) 2019-20 సంవత్సరానికి అడ్మిషన్లు ప్రారంభం.*

*★ బాలికలు, గ్రామీణ యువత, పనిచేసే స్ర్తీలు, పురుషులు, ప్రత్యేక అవసరాలు కలిగిన వారు చదువుకునేందుకు అవకాశం.*

*★ ఈనెల 28 నుంచి ఆగస్టు 26వ తేదీ వరకు ఆన్‌లైన్‌ అడ్మిషన్లు.*

*★ ఆగస్టు 31వ తేదీన అపరాధ రుసుము లేకుండా అడ్మిషన్లు.*

*★ సెప్టెంబరు 26వ తేదీ వరకు రూ.200ల అపరాధ రుసుముతో.*

*★ 30వ తేదీ నాటికి చెల్లించాలి.*

*★ ప్రభుత్వ గుర్తింపు పొందిన సంస్థల ద్వారా, ఏపీ ఆన్‌లైన్‌ ద్వారా అడ్మిషన్లను పొందవచ్చు.*

*★ పదోతరగతి అడ్మిషన్లకు రికార్డ్‌ షీటు లేదా టీసీతో పాటు ఆధార్‌కార్డు*

*★ తల్లి ఆధార్‌ కార్డు, ఎస్‌సీ, ఎస్టీ, బీసీ, మైనారిటీలు కుల ధ్రువీకరణ పొందుపరచాలి.*

*★ దివ్యాంగులు వైద్యుల ధ్రువీకరణ ఇవ్వాలి.*

*★ ఎటువంటి విద్యార్హత లేకున్నా తహసీల్దార్‌ ధ్రువీకరించిన జనన ధ్రువీకరణ పత్రాలతో డైరక్టర్‌గా పదో తరగతిలో అడ్మిషన్‌ పొందవచ్చు.*

*★ పదో తరగతి ఉత్తీర్ణత సాధించి ఏడాది విరామం ఉన్న వారు ఒకే సంవత్సరం ఇంటర్‌ పూర్తి చేసే అవకాశం.*

23, జూన్ 2019, ఆదివారం

నిజం కాదా?

శత్రువు భుజాలపై ఎక్కి ప్రయాణించండి పర్లేదు. కానీ అమాయకుడి భుజాలపైకి ఎక్కకండి. చాలా పెద్ద ప్రమాదం.

19, జూన్ 2019, బుధవారం

ఓ చెట్టు - మనిషి కథ : కళ్ళు చెమ్మగిల్లుతాయి

🙏 దయచేసి అందరూ ఇది ఓ సారి పూర్తిగా చదవండి..ఇంతవరకు నేను చదివిన అద్భుతమైన మెసేజ్ లలో ఇది ఒకటి 

🌳 చాలా కాలం క్రితం ఓ పెద్ద పండ్ల చెట్టు ఉండేది. ఓ చిన్న పిల్లవాడు చాలా ఇష్టంగా, ప్రేమగా దాని చుట్టూ ఆడుకునేవాడు.  

🌴 ఓ రోజు చెట్టు పైకి ఎక్కాడు,పండ్లు కోసుకొని తిన్నాడు, ఆ చెట్టు నీడలో కాసేపు పడుకున్నాడు. ఆ అబ్బాయి ఆ చెట్టును ఎంతగానో ప్రేమించాడు, ఆ చెట్టు కూడా ఆ అబ్బాయి తన వద్ద ఆడుకోవడాన్ని చాలా ఇష్టపడింది, అతన్ని అమితంగా ప్రేమించింది. 

🏝 కాలం గడిచింది, చిన్న పిల్లవాడు పెరిగి పెద్ద వాడైయ్యాడు. ఇప్పుడు ఎక్కువగా ఆ చెట్టు నీడలో ఆడుకోవడం లేదు

🌿 కొంత కాలం తర్వాత ఓ రోజు ఆ బాలుడు చెట్టు వద్దకు వెళ్లాడు,ఎందుకో విచారంగా ఉన్నాడు. "రా వచ్చి నా వద్ద ఆడుకో"  అని చెట్టు అడిగింది. 

👦 బాలుడు:- "నేనింకా చిన్న పిల్లాడిని కాను, చెట్ల చుట్టూ తిరుగుతూ ఆడుకునే వయసు కాదు నాది, నాకిప్పుడు ఆడుకోడానికి బొమ్మలు కావాలి, అవి కొనడానికి డబ్బులు కావాలి " అన్నాడు. 

🌳 చెట్టు :- "నా దగ్గర డబ్బులు అయితే లేవు, కానీ నువ్వు ఓ పని చేయవచ్చు, నా పండ్లన్ని కోసుకుని వెళ్లి అమ్మివేయి, దానితో నీకు డబ్బులు వస్తాయి" అని అన్నది. 

🍎 బాలుడు ఎంతోషంగా ఆ చెట్టు పండ్లన్ని కోసుకుని వెళ్ళిపోయాడు. మళ్ళీ తిరిగి రాలేదు.. చెట్టు తనకోసం దిగులు పడుతూ, దుఃఖంతో ఉంది. 

🌴 క్రమంగా ఆ బాలుడు పెద్దవాడై యువకుడిగా మారాడు, ఓ రోజు అతను రావడం చూసి చెట్టు చాలా సంతోషిపడి "రా నా వద్దకు వచ్చి ఆడుకో" అని ఆహ్వానించింది 

🏕 "నీతో ఆడుకునే సమయం లేదు నాకు, నా కుటుంబం కోసం పని చేయాలి. మేము ఉండటానికి ఓ మంచి ఇళ్ళు కట్టుకోవాలి, నువ్వేమైనా సహాయం చేయగలవా"? అని అడిగాడు. 

🌿 "నా వద్ద ఇల్లు లేదు, అయితే నా కొమ్మలు నీకు సహాయపడతాయి, వాటిని తీసుకో, నీ ఇళ్ళు కట్టుకో " అని చెట్టు అన్నది. అతను ఆ చెట్టు కొమ్మలన్ని నరికి సంతోషంగా తీసుకుపోయాడు. 

🌴 అతను సంతోషంగా వెళ్లడం చూసి చెట్టు చాలా ఆనందపడింది, కాని అతను మళ్ళి తిరిగి రాలేదు, చెట్టు మరల విచారిస్తూ ఒంటరిగా ఉంది. 

🌴 బాగా ఎండగా ఉన్న ఓ వేసవి కాలం రోజు అతను మళ్ళి వచ్చాడు, చెట్టుకు ఆనందంగా అనిపించింది. "రా వచ్చి నాతో ఆడుకో" అని అడిగింది, నేను ముసలివాన్ని అయ్యాను ఆడుకోలేను, ఈ ఎండల నుండి ఉపశమనం పొందటానికి నేను సముద్ర ప్రయాణం చేయాలనుకుంటున్నా, దానికి నాకో పడవ కావాలి, నువ్వు ఇస్తావా అని అడిగాడు

🌴 నీ పడవ కోసం నా చెట్టు కాండము ఉపయోగపడుతుంది, నా కాండాన్ని నరికి తీసుకెళ్లు, దానితో మంచి పడవ చేసుకుని, హాయిగా ప్రయాణం చేయి, అని చెట్టు అన్నది. 

🌴 అతను సంతోషంగా చెట్టు కాండాన్ని నరికి తీసుకపోయి, పడవ చేయించుకుని, హాయిగా ప్రయాణం చేస్తూ ఉన్నాడు, చాలా కాలం చెట్టుకు అతను తిరిగి తన మొఖం చూపించలేదు. 

🌴 చివరిగా, చాలా కాలానికి అతను మళ్లీ చెట్టు వద్దకు వచ్చాడు.. 
నాయనా.. నీకు ఇవ్వడానికి నా వద్ద ఏవి మిగలలేదు, పండ్లు కూడా లేవు అని చెట్టు అన్నది.. 
ఏమి ఇబ్బంది లేదు, నాకు తినడానికి పళ్ళు లేవులే అన్నాడు.. 

🌴 చెట్ట: నువ్వు ఎక్కడానికి నాకు కాండం కూడా లేదు. 
ఎక్కడానికి నాకు బలమూ లేదు, ముసలి వాన్ని కదా అని అన్నాడు .. 

🌴 నిజంగా నీకివ్వడానికి నావద్ద ఏమీ లేదు, చచ్చిపోతున్న నా వేర్లు తప్ప, అంటూ ఏడుస్తూ చెప్పింది చెట్టు. 

🌴 నాక్కూడా ఇపుడు ఏది అవసరం లేదు, చాలా అలసిపోయాను, విశ్రాంతి తీసుకోడానికి ఓ మంచి ఆసరా కావాలి అన్నాడు. 

🌴 వృద్ధ చెట్టు వేర్లు ఒరిగి విశ్రాంతి తీసుకోడానికి మంచివి, అనుకూలంగా ఉంటాయి నాయనా, రా వచ్చి నా వేర్లపై ఒరిగి కాస్త విశ్రాంతి తీసుకో అన్నది చెట్టు, అతను కూర్చున్నాడు, సంతోషంతో ఏడుస్తూ సేదతీర్చింది చెట్టు. 

🌴 ఇది మనందరి కథ, ఆ చెట్టు మన తల్లిదండ్రులు లాంటిది. చిన్నప్పుడు అందరం తల్లిదండ్రుల వద్ద వారితో ఆడుకుంటాం. 

🌴 కొంచెం పెద్దగయ్యాక వారిని వదిలి పెడ్తాం, మనకు అవసరమైనప్పుడు లేదా ఏదైన కష్టం వచ్చినప్పుడు మాత్రమే మన తల్లిదండ్రుల వద్దకు వెళతాం. వారు ఏ పరిస్థితిలో ఉన్నా సాధ్యమైనంతలో మీరు సంతోషంగా ఉండటానికి చేయాలసినదంతా చేస్తారు. 

🌴 చెట్టు పట్ల ఆ బాలుడు చాలా నిర్దయగా ప్రవర్తించాడు అని మీకు అనిపించొచ్చు. కాని మన తల్లిదండ్రుల పట్ల మనం కూడా అదే చేస్తున్నాం.

👥 మనకు భరోసాగా వాళ్లను చూస్తాం, మనకు సర్వస్వం దార పోసినా కనీసం కృతజ్ఞత చూపం. కాని అప్పటికే సమయం మించి పోతుంది. 

💘 ఈ కథలోని నీతి.. 

💗 మీ తల్లిదండ్రులని ప్రేమగా సంరక్షించండి. వారు కూర్చున్న ఖాళీ కుర్చీలని చూసినప్పుడు మీకు వారి విలువ, వారు లేని లోటు తెలియవస్తుంది. 

💖 మన తల్లిదండ్రులు మనల్ని ఎంతగా ప్రేమించారో తెలుసుకోలేం. 
మనమూ తల్లిదండ్రులుగా మారినపుడే అనుభవంలోకి వస్తుంది


🙏 ఈ విషయాలు అందరికీ తెలియచెప్పడం కోసం మీరు షేర్ చేసిన సరే , కాపీ పేస్టూ చేసుకున్నా సరే

5, జూన్ 2019, బుధవారం

తమరు పాటించని ఆదర్శం ఇతరుల నెత్తిన రుద్దడం ఎందుకో!

ఈ మధ్య కొందరి మాటలను చూస్తుంటే చాలా వింతగా అనిపిస్తోంది. వారు నోరు తెరిస్తే చాలు అన్ని ఆదర్శాలే! కాని వారి జీవితంలో ఒక ఆదర్శం ఉండదు. ఒకసారి ఒక గురువుగారి దగ్గరికి (ఆయన పేరు చెప్పడం భావ్యం కాదని నా భావన) ఒక అబ్బాయి వచ్చాడు. అమ్మాయిని చూసి పెళ్లి చేయమని! మంచి అబ్బాయి, చక్కగ ఉన్నాడు బాగానే చదువుకున్నాడు.గురువుగారు నీవు సమాజానికి ఆదర్శంగా ఉండాలి. నా దగ్గర ఒక సంబంధం ఉంది. అమ్మాయికి పెళ్లి అయ్యి ఇద్దరు పిల్లలు ఉన్నారు. పాపం భర్త వదిలి వెళ్లిపోయేడు. ఆ అమ్మాయిని చేసుకుంటావా? అని అడిగాడు. ఆ అబ్బాయి తటపటాయించేడు. ఇంట్రస్ట్ చూపలేదు. ఎందుకులేండి గురువుగారు ఆ అబ్బాయికి ఇష్టం లేనప్పుడు మనం బలవంతం పెట్టడం కరెక్ట్ కాదు. అని చెప్పాను. ఇక విశ్వాసం ఏముంది? దేవుడంటే, థర్మమంటే ఇక ప్రెమేముంది? మనం ఇటువంటి ఆదర్శాలు చూపించకపోతే ప్రయోజనమేముందని చాలా పెద్ద క్లాసులు పీకాడు. ఈయనగారికి ఇద్దరో ముగ్గురో అమ్మాయిలు, 5గురు అబ్బాయిలు ఉన్నారు. వాళ్ల పిల్లలకి పెళ్లిళ్ల విషయంలో ఏమి ఆదర్శం చూపిస్తాడో చూద్దాంలే అనుకున్నాను. ఆయన గారు మొన్న వాళ్ల పెద్ద అబ్బాయికి పెళ్లి విషయంలో వడబోసి, వడబోసి అమ్మాయి అందంగా ఉందా? లేదా? అని మరీ చూసుకుని ఫ్యామిలీ స్థితిగతులు చూసుకుని మరీ పెళ్లి చేసాడు. నాకు ఇలాంటి వాళ్లను చూస్తే వళ్లు మండుతుంది. తమ జీవితాలకి లేని ఆదర్శాలను ఇతరుల నెత్తి రుద్దడం ఎందుకో? ఇలాంటి దిక్కుమాలిన సన్నాసులు ముస్లిం ప్రసంగీకులలో ఎక్కువుండడం గమనార్హం. అయితే కొంతమంది అనగా అతితక్కువమందిలో ఆదర్శంగా ఉన్నవాళ్లు, త్యాగాలు చేసినవాళ్లు ఉన్నారు..ఇలాంటి ఆదర్శమూర్తులు నాకెప్పుడూ మహానుభావులే!

26, మే 2019, ఆదివారం

ఎదుటి వారి గూర్చి తప్పుడు ప్రచారం చేసేవాడు మనిషే కాదు. చీడపురుగు కంటే హీనమైన వాడు.

*ఒక ముసలాయన పక్కింటి కుర్రాడు దొంగ అని ప్రచారం మొదలు పెట్టాడు.

రోజుకి ఒకరితో ఇలా చెబుతూ ఉండేసరికి ఈనోటా ఆనోటా విషయం పోలీస్ వరకూ వెళ్ళింది.

అనుమానం కొద్దీ అతడిని అరెస్ట్ చేశారు.

కేసు నడిచింది.

విచారణ అనంతరం ఈయనే ఆ పుకార్లకు కారణం అని తేలింది.

అతడిని వదిలి పెట్టేశారు.*

*ఆ యువకుడికి అవమానంగా తోచి ముసలాయన పై కేసు పెట్టాడు.

కేసు విచారణలో ముసలాయన ఊరికే నేను అన్నాను అంతే,దాని వలన అతడికి హాని ఏమీ జరగలేదు కదా అన్నాడు.*

*నీవు అతడి గురించి ఏమేమి అన్నావో అవి అన్నీ ఒక పేపర్ రాసి,ఆ పేపర్ చిన్న చిన్న ముక్కలు చేసి నువ్వు ఇంటికి వెళ్ళే దారిలో విసిరెయ్యి.కేసు రేపటికి వాయిదా వేస్తున్నాను. రేపు తీర్పు చెబుతాను " అని జడ్జి అన్నారు.*

*జడ్జి చెప్పిన ప్రకారం చేశాడు ముసలాయన. మర్నాడు కోర్ట్ కి వెళ్ళాడు.*

*"నిన్న నువ్వు పారేసిన ముక్కలు అన్నీ తీసుకురా!" అన్నారు జడ్జి.*

*"అదెలా సాధ్యం? అవి గాలికి ఎక్కడెక్కడికో వెళ్లి పోయి ఉంటాయి.వాటిని తేవడం అసాధ్యం " అన్నాడు ముసలాయన.*

*"నువ్వు చేసిన చిన్న చిన్న కామెంట్స్ అతడి జీవితాన్ని ఎంతో మార్చేశాయి.
అది తిరిగి యధాస్థితికి రావడం అసాధ్యం.
నువ్వు ఒకరి గురించి మంచి మాట్లాడక పోతే పోయావు. చెడు ఎప్పడూ మాట్లాడకు."*

*మంచితనంపై నమ్మకం పోతుంది.*

*మనిషితనంపై నమ్మకం పోతుంది.*

*మనుషులపైనే నమ్మకం పోతుంది.*

*నిజంగా అవసరంలో ఉన్న వారికి,ఆపదలో ఉన్నవారికి,ఆసరా కావాలనుకున్నవారికి*
*సాయం చేయడానికి ఏ చేతులు ముందుకు రావు.

రేపు ఆ అవసరం నీకే రావచ్చు.         
*చరిత్రలో చెల్లని రూపాయిలే తరువాతి కాలంలో చరిత్రను లిఖించాయి.*

*పెద్దలు అనుభవంతో చెప్పిన మాటలు ఇవి*

22, మే 2019, బుధవారం

మన సక్సెస్ కు ప్రమాదం కలిగించే వ్యక్తులకు దూరంగా ఉండాలి! | We must avoid people who are at risk for our success!

నిన్న ఒక ఆధ్యాత్మిక సెలబ్రిటీని కలిసాను.ఎందుకో తెలీదు గాని ఆయనతో మాటలాడినప్పుడల్లా నాకు ఎక్కడలేని ఉత్సాహం వస్తుంది.లైఫ్ లో ఏదో సాధించాలన్న కసి పుడుతుంది.అంతగా ఆయన మాటలు నాకు ప్రేరణ కలిగిస్తాయి.మనకంటే గొప్పవారితోనే మన సంబంధాలు పెట్టుకోవాలి.లేదా మన రంగానికి సంబధించినవారితో నన్న కలిసి ఉంటే ప్రయోజనం ఉంటుంది.ఎదుటివారి గురించి చాడీలు చెప్పేవారి దగ్గర,ఎగతాళిగా మాటలాడేవారి దగ్గర అస్సలు కూర్చోకూడదు.మన సమయం వృధాతో పాటు,మానసికంగా అప్సెట్ అయ్యే ప్రమాదం కూడా ఉంది.

   కొంతమంది మేధావులుంటారు.వీళ్లు తమ విషయాలేమీ తెలియనీయకుండా జాగ్రత్త పడుతూ...ఎదుటి వారి అన్ని విషయాలు కూపీలాగి మరీ తెలుసుకుంటారు.ఏదైనా ఇష్టంలేని పరిస్థితి వస్తే ఆ విషయాలన్నీ బైట పెడుతూ ఎంతో నష్టానికి గురి చేస్తారు.వీళ్లు మహా ప్రమాదకరమైన వ్యక్తులు.వీరికి ఎంత దూరంగా ఉంటే అంత మంచిది.

   ఏది,ఏమైనా మన సక్సెస్ పై ప్రభావం మన కలిగియున్న వ్యక్తులను బట్టి కూడా ఉంటుంది. జాగ్రత్త వహిస్తే మనకే మంచిది.ఏమంటారు?

10, మే 2019, శుక్రవారం

ఆసక్తి [Interest] కలగాలంటే?

     మనం చేసే పనిమీద ఏకాగ్రత కుదరడానికి మనం చేసే పనిమీద మనకి ఆసక్తి ఉండాలన్నది నిర్వివాదాంశం.ఆసక్తి అంటే వినే విషయం మీద శ్రద్ధ,ఆ విషయాన్ని గురించి ఒక అనుభూతిని పొంది, ఆకళింపును చేసుకోగలగడం.పూర్వపుస్మృతికి ప్రస్తుత అనుభూతికి ఉన్న అపూర్వ సంబంధమే ఆసక్తి.అనేక యితర విషయాల్లోంచి మనకు ఆసక్తికరమైన విషయాన్ని మాత్రమే ఎన్నుకుని మనస్సులో పదిలపరచుకుందామనే విషయంపై తప్పక ఆసక్తిని పెంచుకోవాలి.ఆసక్తి ఉన్న విషయాలు అప్రయత్నంగానే గుర్తుంటాయి.

     అయితే మనకి ఆసక్తిలేని విషయాలపైన కూడా తప్పనిసరి పరిస్థితుల్లో ఆసక్తి,శ్రద్ధ పెంచుకోక తప్పదు.అవసరం వల్ల ఆసక్తి దానంతట అదే కలుగుతుంది.జీవితానికి అవసరమైనదానిని గుర్తుంచు తీరాలని నిర్ణయించుకోవాలి.అప్పుడు ప్రతి చిన్న విషయం తప్పనిసరిగా గుర్తుంటుంది.ఆసక్తిలేని విషయాలను అధ్యయనం చేయవలసిన సందర్భాలలో తమకు తాము 'ఆటోసజెషన్" ఇచ్చుకోవడం ద్వారా ప్రయోజనం పొందవచ్చు.

     ఏకాగ్రత,జ్ఞాపకశక్తి కేవలం ఆసక్తి మీదే ఆధారపడి ఉండవు.కేవలం ఆసక్తి ఒక్కటే ఏకాగ్రతకు,జ్ఞాపకశక్తికి కారణం కాదు.చేసే పని నచ్చకపోవడానికి కారణం నచ్చదనే దృఢాభిప్రాయంతో కూడిన భావనే.ఆ అభిప్రాయాన్ని మార్చుకుంటే ఆ పని నచ్చుతుంది.చేసే పని మీద న్యూన్యతాభావం కూడా ఆసక్తి లేకపోవడానికి మరో కారణం.ఆసక్తిని కలిగించుకుని,పెంపొందించుకుంటే సత్ఫలితాలు సిద్ధిస్తాయి.




7, మే 2019, మంగళవారం

ఎదుటివారి విషయాలకి అడ్డుకట్ట వేయండి.

మనం చాలా వరకు ఇతరుల గురించి ఆలోచించినంతగా మన గురించి మనం ఆలోచించుకోము. అందుకేనేమో మనకీ సమస్యలు...కష్టాలునూ! తెల్లవారి లేచిన తరువాత మన పనులేమిటి? నిన్నటి కంటే ఈరోజు సాధించిన విజయమేమిటి? ఈరోజు ఇంకా చక్కగా అభివృద్ధికి తీసుకెళ్లామా? లేదా? ఇత్యాది ప్రశ్నలు ప్రతిరోజూ వేసుకుంటూ దానికి సంబంధించిన ప్రణాళిక మనం సరి చూసుకుంటూ ముందుకు సాగిపోవాలి. ఈరోజుల్లొ మనం ప్రశాంతంగా బ్రతకాలంటే మన పనులను మనం చేసుకోవాలి. ఇతరుల విషయాలలోకి తల దూర్చి బొప్పి కట్టించుకోవడం తప్ప మరేమీ లేదు. రోజులు ఎలా తయారయ్యాయి అంటే ఇతరుల మేలు కోసం కృషి చేసినప్పుడు లాభం చేకూరితే నిన్ను మెచ్చుకోవడం అరుదుగా చేసి తన గొప్పదనం ప్రకటించుకుంటాడు. ఒకవేళ నష్టం కలిగితే అతిదారుణంగా నీ పట్ల అవహేళన భావంతో నిరసిస్తూ నిందిస్తాడు. ఎక్కడో కొంతమంది మహానుభావులు నష్టాన్ని, లాభాన్ని ఒకలా తీసుకుంటారు. అలాంటివారు ఈలోకంలో బహు అరుదు అని చెప్పవచ్చు. ఇకపోతే ముందు చెప్పుకున్నట్టుగా మన పని మనం చేసుకోవడం మాని ఈ తలపోటు ఎందుకు చెప్పండి. ఈరోజుల్లొ మనుష్యుల కోపతాపాలకు, పగలకు అంతులేదు. కంట్రోల్ కూడా లేదు. ఇటువంటి పరిస్థితిలో ఎదుటివారి గురించి ఆలోచించడం అనవసరం. మనకి ఏమైనా కలిగినప్పుడు సహకరించడం తప్ప వారి వ్యవహారాలలో దూరకపోవడం వందరెట్లు మేలని నా అభిప్రాయం.

23, ఏప్రిల్ 2019, మంగళవారం

మనం బాగుండాలంటే ఇవి తప్పనిసరి!

"మీ ఆలోచనల్లో మంచి,చెడ్డలను చక్కగా బేరీజు వేసి చెప్పగలిగే వ్యక్తులు, ఒకవేళ మీ నిర్ణయం వల్ల మీరు నష్టపోయినా మిమ్మల్ని ఆదుకునే వారు అంతిమంగా కుటుంబంలోని వ్యక్తులై ఉంటారని గుర్తుంచుకోవాలి."
       "మనసుకి కూడా తగిన వ్యాయామం లేకుండా సంపూర్ణమైన స్వేచ్చ ఇస్తే అది మన జీవితాన్ని గజిబిజిగా తయారుచేస్తుంది."
      "అంగవైకల్యం, శారీరక రుగ్మతలు వున్నవారు కూడా ఎన్నో అద్భుతాలను చేసి చూపిస్తున్న ఈ రోజుల్లో అన్నీ వున్నవాళ్లు అదృష్టవంతులే కదా! అందుకని మన ఆలోచించే తీరును సవరించుకోవాలంటున్నారు"
      "ఒక వ్యక్తి లక్ష్యసాధనలో అతని పట్ల అతను ఏర్పరచుకున్న అంచనాల మీద ఆధారపడి ఉంటుంది. "నేను చేయగలను" అనే భావన ఆ వ్యక్తితో నిజంగానే గొప్ప పనులు చేయిస్తుంది.ఇటువంటి అంచనాలు, ఆశలు, నమ్మకాలు మనమీద మనకి ఉండడమే కాకుండా మన చుట్టూ ఉన్నవారికి, మన జీవితంపై ప్రభావం చూపే వ్యక్తులకి కూడా ఉండడం ఎంతో అవసరం.

31, మార్చి 2019, ఆదివారం

ఆనందంగా ఆర్జించండి

సంపద అనగానే మనకు వెంటనే తట్టేది ధన,కనక,వస్తు, వాహనాల్లాంటివే. ఇవేగాక సంపద జాబితాలో చేర్చదగ్గవి  ఇంకా ఉన్నాయి.వాటి గురించి తెలుసుకుని,వాటిని పెంచుకుంటే సంపదను పెంచుకున్నట్టే.అవి ఎంత ఎక్కువుంటే అంత సంపదవున్నట్టే.ఆశ్చర్యకర విషయం ఏమిటంటే,వాటిని ఏమంత ప్రయాస పడకుండానే సొంతం చేసుకోవచ్చు.

23, మార్చి 2019, శనివారం

వారానికి ఒకరోజైనా మనతో మనం బ్రతుకుదాం!

మనిషికి ఒంటరితనం ఎన్నో అక్కర్లేని విషయాలు నేర్పుతుంది.ఎక్కువుగా ఖాళీగా ఉంటే మనిషికి అన్నీ నెగిటివ్ ఆలోచనలు ముసురుకుంటాయి.అందుకే కాబోలు పెద్దలు ఖాళీ బుర్ర దెయ్యాల నివాసం అవుతుందని చెప్పారు.మనిషి ఏదో వ్యాపకం పెట్టుకోవాలి.అది మనకి మంచి చేసేదై ఉండి, మన అభివృద్ధికి దోహదం చేసేదై ఉంటే ఎంతో మేలు.

నిజానికి మన సంతోషానికి,దు:ఖానికి మనమే కారణం.దీనికి వేరెవ్వరూ కారణం కాదు.మనం కాస్త ప్రశాంతంగా ఉండాలంటే తెల్లవారు లేచి దైవప్రార్ధన చేసుకుని మన పనులు చక్కబెట్టుకోవడంలో ఉన్న ఆనందం,సంతోషం మరెందులోనూ ఉండదు.

రాత్రుళ్లు 1నుండి,2గంటల టైం వరకూ పడుకోకుండా,మర్నాడు సూర్యుడు నడినెత్తికి వస్తున్న సమయంలో నిద్రలేవడాలు,లేక ఉదయం 8,9గంటలకు మేల్కోడాలు ఇవ్వన్నీ కూడా మనిషికి ప్రశాంతతను దూరం చేసేవే.అనారోగ్యాన్ని దగ్గర చేసేవే.

17, మార్చి 2019, ఆదివారం

అంతరాత్మ ప్రబోధన వింటే చాలు! | To hear the supplication of the supreme spirit!

to-hear-supplication-of-supreme-spirit
మనం రోజంతా ప్రశాంతంగా ఉండాలంటే తెల్లవారుజామున లేచి అవయవాలన్నీ చన్నీళ్లతో కడుక్కుని దైవ ధ్యానం చేసుకుంటే చాలు.మరొక ముఖ్య విషయం ఏమిటంటే మనిషి నిరంతర విధ్యార్ధి.ఎంత నేర్చుకున్నా మిగిలే వుంటుంది.కాబట్టి మనం నేర్చుకున్న దానిని బట్టే మన జ్ఞాన సంపతి ఉంటుంది.మనం ఏ రంగంలో ఉన్నామో ఆ రంగానికి సంభందించిన విషయాలను మనం నేర్చుకుంటూ ఆ రంగంలో మనం మరింత ముందుకు వెళ్లే ప్రయత్నం చేస్తూ ఉండాలి. ఈ ప్రక్రియ నిత్యం జరుగుతూ ఉండాలి. అలా మనం ఉండగలిగినప్పుడు ఆ ఆనందం వర్ణించడానికి వీలు లేనిది అవుతుంది.ఏదో పుట్టాం,బ్రతుకుతున్నాం అనుకుంటే ఎటువంటి లాభం లేదు.బ్రతికినన్నాళ్లు ఏదో సాధించడానికే బ్రతకాలి.దైవనామ స్మరణతోనే బ్రతకాలి. మనవలన ఏవైతే సేవా కార్యక్రమాలు జరుగుతాయో అవి చేస్తూ ఉండాలి.సమాజం మన విషయంలో చూపించే మంచి,చెడులను పట్టించుకునే అవసరం లేదు. నీ అంతరాత్మను పట్టించుకుంటే చాలు.అంతరాత్మ ఉన్నంత నిజాయితీగా మనస్సు ఎప్పుడూ ఉండదు.

9, మార్చి 2019, శనివారం

మహిళల గూర్చి కొంతైనా తెలుసుకో...కాస్తైనా మార్చుకో ? | Learn something about women ... can you change anything?

ఏ శాస్త్రమూ చెప్పలేదు...!!
ఎంగిలిపడిన బండెడు అంట్లనూ ఇంటి "మహిళ"లే కడగాలనీ...!!

ఏ చట్టమూ చెప్పలేదు ప్రతిరోజూ ఉరుకుపరుగుతో వంటను "వనిత"లే చేయాలనీ...!!

ఏ గ్రంథమూ చెప్పలేదు నిత్యం గదులన్నిటినీ "నీరజాక్షే" ఊడ్చి నీరాజనాలు అందుకోవాలనీ...!!

ఏ భారత భాగవతాలూ చెప్పలేదు...
ఇంటి సంతానపు ఆలనాపాలనా ఇంటి "భామే" చూసుకోవాలనీ...!!

ఏ లలిత సంగీత కళల రాగాలూ చెప్పలేదు "లలన" లిప్తపాటు కనులతో మౌనవించాలనీ...!!

భవితలో ఎక్కడా రాసి పొందుపరచలేదు ఇంటి "భామ"లే బండెడు బట్టలు ఉతికి ఆరేయాలనీ...!!

ఏ కమనీయ భాషలూ చెప్పలేదు తన కడుపు మాడ్చుకునీ అందరి కడుపులూ "కోమలే" నింపాలనీ...!!

ఏ వరమిచ్చే దేవుడు కూడా చెప్పలేదు "వనితంటే" వంటింటి కుందేలుగా పరిమితమైపోవాలనీ...!!

2, మార్చి 2019, శనివారం

సుఖనిద్రతో సుఖమయ జీవితం!

రాత్రి 10 గంటలనుండి తెల్లవారు జామున4 గంటల మధ్య గల సమయంలోనే శరీరంలోని హార్మోన్లు సమ్మిళితం కావడానికి ఉత్తమమైంది.ఆ సమయంలో తప్పక నిద్రించాలి.అప్పుడు శరీరం తనను తాను మరమ్మత్తు చేసుకుంటుంది.మనస్సు ఎటువంటి కోర్కెలు లేకుండా విశ్రాంతి పొందుతుంది.
             ఆత్మ తిరిగి కాలపరిమితిలేని సహజస్థితికి చేరుకుంటుంది.అందువల్ల నిద్ర ఎంతో ముఖ్యమైంది.మద్యపానం,మాదకద్రవ్యాల జోలికి వెళ్ళకుండా మంచి ఆలోచనలతో కంటినిండా నిద్రించాలి.నిద్రించే ముందు గాఢశ్వాస తీసుకోవడం లేదా విశ్రాంతి పొందే ధ్యానం,సంగీత వాయిద్యం నునుడి వెలువడే శ్రావ్యమైన సంగీతం వినడం చెయ్యాలి.మనస్సును ఏ ఆలోచన లేకుండా ప్రశాంతంగా ఉంచుకుని హాయిగా నిద్రకు ఉపక్రమించండి.

1, మార్చి 2019, శుక్రవారం

మీ సంతోషానికి మాటే మంత్రం

         అనాలోచితంగా మాట్లాడిన చిన్న మాటైనా ఆనందాన్ని హరిస్తుంది. ప్రశాంత వాతావరణాన్ని భగ్నం చేస్తుంది. ఆలోచనతో చేసే వ్యాఖ్యలు ఉత్తేజాన్ని నిపుతాయి. సంబంధాలను మరింత శోభాయనం చేస్తాయి. కాబట్టి నిష్పాక్షికంగా ఆలోచించాలి.
          ఎదుటి వారిని కించపరచడం వల్ల కలిగే ప్రయోజనం ఏమీలేదు.శక్తి వృధా అవుతుంది.అదే శక్తిని ప్రేమించడానికి వినియోగిస్తే అదొక వనరుగా ఉండిపోతుంది.ప్రతి కూలంగా వున్న వ్యక్తిని ప్రేమించడం కొనసాగిస్తే ఆ వ్యక్తి ముఖంలో ప్రతికూలత మాయమై, చిరునవ్వు చిందుతాయి.మీ మనస్సులో సంతోషం వెల్లివిరుస్తుంది.

31, జనవరి 2019, గురువారం

మంచి పుస్తక పఠనానికున్న మహత్తర శక్తి గూర్చి మహనీయుల అభిప్రాయాలు.

  • ఒక మంచి బ్యాంకులో కంటే ఒక మంచి పుస్తకంలో ఎక్కువ సంపద ఉంటుంది. - రాయ్ యల్ స్మిత్.
  • మీరు నాకన్నా ధనవంతులు ఎన్నటికీ కాలేరు.ఎందుకంటే చదివి వినిపించే తల్లి నాకుంది - ఎబిగెయిల్ నాన్ బ్యూరన్
  • నేను పుస్తకాలు కనుగొన్నాను కనుక నిజంగా జీవిస్తున్నాను.- ఆర్చీ మూర్
  • భూమికి సూర్యుడు ఎటువంటి వాడో నా జీవితానికి పుస్తకాలు అటువంటివి -ఎర్ల్ నైటింగేల్
  • చదువు ద్వారా మన ప్రపంచాన్ని మన చరిత్రను మనలను మనం ఆవిష్కరించుకుంటాం. - డేనియల్ జె. బూరిస్టిన్
  • అనేక సందర్భాలలో ఒక పుస్తక పఠనం మనిషి భవిష్యత్తును రూపుదిద్దింది.-రాల్ఫ్ వాల్డో ఎమర్సన్
  • పుస్తకాలు లేకుండా ఈ రోజు ఈ స్థానాన్ని నేను ఊహించలేను.పుస్తకాలు స్వేచ్చకు పర్యాయపదాలుగా మారాయి.మీరు తలుపులు తెరిచి నడవవచ్చని అవి చెబుతాయి.- ఓప్రా విన్ ఫ్రీ.

26, జనవరి 2019, శనివారం

మీ ఇల్లే మీ స్వర్గం | Your house is your heaven.

మీ ఇల్లే మీ స్వర్గం  Your house is your heaven.
మీ ఇల్లే మీ స్వర్గం  Your house is your heaven.
ఆఫీసులో ఇంట్లో ఉన్నన్ని సౌకర్యాలు ఉండొచ్చు.కానీ ఎదురుచూసే వాళ్లుండరు.ప్రేమించే వాళ్లుండరు.కొసరికొసరి వడ్డించే వాళ్లుండరు.అందుకే ఆరైపోగానే అంత ఆరాటం.ఉద్యోగ జీవితంలో అద్భుతవిజయాలు సాధిస్తే చాలు,ఇంకేం అక్కర్లేదనుకునే కెరీర్ జీవులకు ఆ గెలుపు జీవితంలో సగమేనని,ఒక భాగమేనని తేటతెల్లమైపోతోంది. మరో సగం,ఇంకో భాగం...కుటుంబమనే సంగతి అర్ధమవుతుంది."కుటుంబానికి ఇంకాస్త సమయం కేటాయించాలన్న లక్షల మంది దంపతుల నిర్ణయం.

   అంతవరకు బాగానే ఉంది.సమస్యంతా వ్యక్తిగత,వృత్తిజీవితాల మధ్య సమతూకం పాటించడంలోనే.ఆఫీసులో అనుకున్న సమయానికి లక్ష్యాలు పూర్తికావు.ఎంత తొదరగా గూడు చేరుకుందామన్నా ,అర్ధరాత్రి దాటే పరిస్థితి.అందుకే "ఎంత సమయం కేటాయిస్తున్నామన్నది ప్రక్కన పెట్టండి.ఎంత సంతోషంగా గడుపుతున్నామనే కోణంలోంచి చూడండి.అది పావుగంటే కావచ్చు.కాని లీనమయిపోండి. ఇల్లే సర్వస్వం కావాలి.ఆఫీసు,టార్గెట్లు...ఏవీ గుర్తుండకూడదు."అని సలహా ఇస్తారు.ఫ్యామిలీ కౌన్సెలర్స్ పదిలంగా అల్లుకున్న పొదరిల్లు గుర్తుకొస్తోందా! శుభం.

25, జనవరి 2019, శుక్రవారం

ప్రార్ధనతో ప్రశాంతత

ప్రతిరోజూ ఉదయాన్నే [తెల్లవారుజాము]ప్రార్ధన చేస్తే అద్భుతాలు జరుగుతాయి.చక్కటి ఆలోచనలు,భావాలు మనస్సులో ఏర్పడతాయి.సంఘర్షణాత్మక ఆలోచనలు అంతమై మనస్సు ప్రశాంతంగా నిద్రలోకి జారుకుంటుంది.తల్లి జోల పాడుతుంటే ఒడిలో పడుకున్న బిడ్డ ఆదమరచి నిద్రించినట్టుగా మనస్సు విశ్రాంతి పొందుతుంది.రోజూ క్రమం తప్పకుండా ప్రార్ధన చేస్తే మిగతా విషయాలు మిమ్మల్ని బాధించకుండా ఉంటాయి.

20, జనవరి 2019, ఆదివారం

ఇలా ఉంటే మిమ్మల్ని అందరూ లైక్ చేస్తారు!

నిజం చెప్పండిమిమ్మల్ని అందరూ లైక్ చేయాలని కోరుకుంటారా? లేదా?
ముమ్మాటికీ! మనల్ని అందరూ ఇష్టపడాలని కోరుకుంటాం. దీనిలో అనిర్వచనీయమైన ఆనందం ఉంది. అయితే అలా అందరూ మనల్ని ఇష్టపడాలంతే మరి మన వ్యవహార శరళి ఎలా ఉండాలి?
  • సమయపాలన పాటించాలి.
  • చనువు తీసుకోవద్దు-ఇవ్వదు.
  • మనసు విప్పి మాట్లాడాలి
  • అభినందించడం మంచి అలవాటు
  • మర్యాద ఇచ్చిపుచ్చుకోవాలి
  • మాట జారడం మంచిది కాదు
  • పరిచయస్థుల పేర్లు గుర్తుంచుకోవాలి
  • చెప్పేది జాగ్రత్తగా వినాలి
  • సహజంగా ఉండాలి.

3, జనవరి 2019, గురువారం

మనిషి సద్గుణ సంపన్నుడు కావాలంటే..?

రోజుల్లో మనుషుల్లో సైకో మనస్తత్వం పెరిగిపోతుంది.మాటల్లోగాని, చేతల్లోగాని అసలు మానవత్వం అనేదే లేకుండా పోతుంది. జాలి,దయ, తోటివాడి పట్ల సేవా గుణం ఇంచుమించు పూర్తిగా అడుగంటిపోతున్నాయి. దీనికి కారణాలేమిటో? నా ఉద్దేశ్యం ప్రకారం మనిషికి భక్తిభావం ఉండాలి. అది లేని కారణం చేతనే ఈరోజు మనుషుల్లో ఈ సద్గుణాలు లేకుండా పోతున్నాయి.మీరనుకోవచ్చు. ఈరోజు సమాజంలో గుళ్లు,గోపురాలు పెరుగుతూ పోతున్నాయి! అవి నిండి పోతున్నాయి కదా? అని. నామమాత్రపు భక్తి వలన, కల్పిత సిద్ధాంతాలను పట్టుకు వేలాడటం వలన మనుషులకు ఈ గుణాలు రావు.మనిషిలో సత్పవర్తన, దైవం పట్ల భయభక్తులు కలగాలంటే సశాస్త్రీయమైన శాస్త్రానుకూలమైన భక్తి కావాలి.అది కేవలం ఆథ్యాత్మిక గ్రంధాలైన వేదోపనిషత్తులు, బైబిల్, ఖురాన్ లను అధ్యయనం చేయడం వలన మాత్రమే దొరుకుతుంది తప్ప అవి పట్టుకుని వ్యాపారం చేసుకునే ధార్మిక పండితుల మధ్య దొరకదు.