18, జులై 2015, శనివారం

"బాహుబలి" సినిమాకెళ్ళి బుక్కయ్యాను!

సినిమా పూర్తి అయ్యేవరకూ "బాహుబలి" సినిమా రెండు భాగాలు అన్న విషయం నాకు తెలియదు. టి.వి.సీరియల్ మాదిరి ఎండింగ్ లో సస్పెన్స్ లో పెట్టేసి బయటికి పంపేసిండు. తండ్రి బాహుబలికి ఏమి జరిగిందో అర్ధం కాక, ఆయనను అతని నమ్మిన అనుచరుడే వెనుక నుండి వెన్నుపోటు పొడిచి ఎందుకు చంపాడో తెలియక బుర్ర పిచ్చెక్కిపోయింది. కొడుకు బాహుబలి ఏమి చేస్తాడో ఇక చూడాలి. ఇవన్నీ తెలియాలంటే మరో 110 రూపాయలు పట్టుకుని రెండో భాగం కోసం ఎదురు చూడాలి.
       కట్ చేసి...సినిమా విషయానికొస్తే ...
       ఏమాటకామాటే చెప్పుకోవాలి. సినిమా ఇంచుమించు హాలీవుడ్ తరహాలో ఉందంటే నమ్మండి. సినిమా క్లైమాక్స్ యుద్ధం చాలా అద్భుతంగా చిత్రీకరించారు. సినిమా ప్రారంభంలో వాటర్ ఫాల్ ఒక అద్భుతమైన వింతలా తీశారు. అది గ్రాఫిక్స్ మీదే సృష్టించారని, అది నిజంకాదని పేపర్లో చదివి చాలా ఆశ్చర్యపోయాను. సినిమాలో ప్రకృతి అందాలను చాలా చక్కగా చూపించారు.
      సినిమా కధ విషయానికొస్తే చాలా బలహీనంగానే అనిపించింది. పెద్ద చెప్పుకోదగ్గ స్టోరీ నాకైతే మొదటి భాగంలో అనిపించలేదు. ఇక రెండో భాగంలో ఉంటుందేమో చూడాలి.

వ్యాఖ్యలు లేవు:

వ్యాఖ్యను పోస్ట్ చెయ్యండి

మీ అమూల్యమైన అభిప్రాయాలు,సలహాలు,సూచనలు తెలియచేయగలరు.