28, డిసెంబర్ 2013, శనివారం

యేసువారు నిజంగానే పునరుత్థానుడా?

పునరుత్థానదినం నాడు- మృతులను తీర్పు గూర్చి సమాధిలలో నుండి లేపటానికి యేసు వస్తారని యోహాన్ సువార్తలోని పై వాక్యాలు తెలుపుతున్నాయి.ప్రళయం నాడు ప్రపంచం అంతా అంతమైపోతుంది.ఆ నాడు ప్రతిజీవి మరణించి,అంతా నాశనమైపోతుంది.ఆ తరువాత అంతిమ పునరుత్థానము [GENERAL RESURRECTION] సంభవిస్తుందనేది యధార్ధం.అలాంటప్పుడు కొందరు క్రైస్తవులు మేఘాలలో యేసును ఎదుర్కొనబోయి నిరంతరం ఆయనతో సజీవంగా ఉండిపోవడానికి,ప్రళయం నాడు మరణించకుండా ఉండడం ఎలా సాధ్యం? ఈ విచిత్రమైన సిద్ధాంతాన్ని ప్రతిపాదించడమే కాకుండా దీనిని ప్రచారం చేయమంటాడు పౌలు. [ఈ మాటల చేత ఒకరికొకరు ఆదరించికోండి] ఇంకా పై వచనాల [యోహాన్ 5:28-29]లో 'తాను మృతులను లేపుటకు వచ్చునప్పుడు కొందరు క్రైస్తవులు సజీవంగా ఉంటారు.వారిని మేఘములలో నాతోపాటు కొనిపోతాను.వారు నిత్యం నాతో ఉంటారూ అని యేసు చెప్పకపోవడం మరో విశేషం. More

6, డిసెంబర్ 2013, శుక్రవారం

పరలోక విశ్వాసం - ప్రాచీన భారతదేశం

పరలోక విశ్వాసం సార్వజనీన సిద్ధాంతం.దాన్ని అన్యసిద్ధాంతం లేక భారతీయేతర  సిద్ధాంతం అని అనుకోవడం పొరపాటు.ఈ సిద్ధాంతాన్ని నమ్మడం అంటే ఓ భారతీయేతర సిద్ధాంతాన్ని నమ్మడం అని అర్ధం కాదు.సత్యం విషయంలో అది భారతదేశానికి సంబంధించినదా లేక భారతదేశానికి ఆవల నుండి వచ్చిందా అనిచూడ్డం అనేది అనవసరం.సత్యం ఎక్కడ,ఏ రూపంలో ఉన్నా అది పూర్తిగా మానవాళి ఉమ్మడి సొత్తు.
              ప్రస్తుతం జీవితానికి సంబంధించిన ఇతర దృష్టికోణాలను వదిలి మనం కేవలం పరలోక వాదాన్నే తీసుకుని ఈ విషయంలో భారతదేశ సంప్రదాయాలు,సంస్కృతి ఎలా ఉన్నాయో చూద్దాం.
              అనేక రుగ్మతలకు, కాలానుగుణమైన మార్పులకు చేర్పులకు గురైనా,పరలోక భావనకు సంబంధించిన ఈ ప్రభావాలు భారతీయ సంస్కృతిపై, ఆలోచనలపై ఎలా పడ్డాయి అనేది సమీక్షించి చూపించాల్సి ఉంది.పునర్జన్మ సిద్ధాంతపు ఉనికి కూడా పరలోక విశ్వాసాన్ని రూపుమాపడంలో కృతకృత్యం కాలేకపోయింది.ఇది నిజంగా పరలోక విశ్వాసం, మానవ ప్రకృతికి అనుకూలమైనది అనడానికి ఓ నిదర్శనం.ఇంకా,ప్రాచీన భారతదేశంలో ఈ పరలోక భావన ఎంత లోతుగా వ్రేళ్లూనుకుని ఉండేదో, దాన్ని పూర్తిగా విస్మరించడం ప్రజలకు ఎలా సాధ్యం కాకపోయిందో చెప్పేందుకు కూడా ఓ ఉదాహరణే.
              భారతీయ సంప్రదాయాలకు సంబంధించి అధ్యయనం ,ఆర్యుల నాగరికత,సభ్యతల వరకు వచ్చి ఆగి పోతుంది. అంతకు పూర్వపు విషయాలను పరిశీలించడo జరుగదు. ఈ విశయమ్లొఅ కొన్ని అపార్ధాలు ,మరికొన్ని గందరగోళ పరిస్థితులు ఎదురవుతున్నాయి. ఆర్యులకు పూర్వం ఇక్కడ మనుగడ సాగించిన  జాతుల గురించిన పరిశోధనలు నామమాత్రంగానే ఉండిపొయాయి.
             ఆర్యులకు పూర్వముండిన జాతుల భాషలు ,వారి చరిత్ర, నాగరికతలను గురించి తెలుసుకునేందుకు మన దగ్గర ఉన్న వనరులు అతి తక్కువ [నామమాత్రమే] అయినా,ఆర్యులకు పూర్వం భారతదేశంలో ద్రవిడ నాగరికత అనే గొప్ప నాగరికత విలసిల్లిందని చెప్పుకోవడం జరుగుతుoది. దాని ప్రభావం ఆ తరువాత వచ్చిన జాతులపై కూడా పడిoది. ఆశ్చర్యo ఏమిటంటే ,ఈ ద్రవిడ నాగరికతల సంబంధం,ఈజిప్ట్,బాబిలోనియా నాగరికతలతో ముడిపడి ఉండడం, ఇదె విధముగా కోల్ భాషల అధ్యయనం ద్వారా అనేక క్రొత్త యదార్దాలు వెలుగులోకి వచ్చాయి. కోల్ జాతిని ఇప్పటిదాకా ఓ అనాగరిక జాతిగా కొట్టి పారేయడం జరిగిoది.కాని ఆ తరువాతి పరిశొధనలు మన ఈ వైఖరి సరైంది కాదు అని తేల్చి చెప్పాయి. కోల్ భాష ఆస్ట్రేలియా,ఆసియా ఖండాలలో వ్యాపించి ఉన్న వివిధ భాషలతో సంబందం గలిగి ఉందని రుజువవుతుoది . మన పట్టణాలకు సంబందిoచిన అనేక పేర్లు కోల్ భాషలోనే ఉన్నాయి. ఇదే కాకుండా మనం  ఉపయోగించే అనేక వస్తువుల పేర్లు కూడా కోల్ భాషల నుండే గ్రహింబడ్డాయి ఇదే విధంగా ఆ తరువాత వచ్చిన జాతుల ,ఈ సిద్ధాంతాలు,నమ్మకాలు మా స్వంతం అనుకున్నవి కూడా కోల్ జాతికి సంబందించిన సిద్ధాంతాలు,నమ్మకాలే. అయితే ఈ విషయంలో జరిగిన పరిశోధనలు అతిస్వల్పం ప్రొపెసర్ సిల్వాన్ లెవి ,ఆయన శిష్యులు చేసిన భాషాపరమైన పరిశోధనల వల్ల  కొన్ని రహస్యాలు మాత్రం వెలుగులోకి వచ్చాయి. ఈ విషయంలో మరిన్ని పరిశొధనలు జరిగితే,ఇక్కడి జాతుల సన్మార్గం లేక అపమార్గానికి సంబంధించిన ఎన్నో విషయాలను కనుగొనవచ్చు.
                                                                 1      2      Next

15, నవంబర్ 2013, శుక్రవారం

అత్యాచార నిర్మూలనకు పరిష్కారం లేదా?

భారతదేశం ఒకప్పుడు ఒక ప్రజాస్వామిక సభ్యసమాజం, ప్రపంచదేశాలన్నీ భారత్ గొప్పతనాన్ని,కీర్తిని ఎలుగెత్తిచాటేవి. ఆదర్శవంతమైనదేశంగా ఎంతో కీర్తించేవి. ఇక్కడి మహిళలను ఎంతో గౌరవోన్నతులుగా, సంప్రదాయ బద్దమైన మణులుగా కొనియాడేవారు. కానీ...నేడు...భారతదేశ మహిళలకు రక్షణే కరువైపోయింది. మహిళ ఒంటరిగా కనిపిస్తే చాలు విచ్చలవిడిగా, భయంకరమైన పైశాచికత్వంతో అత్యాచారాలు చేసి హతమార్చే మానవమృగాలు పెరిగిపోయాయి. నేడు ధిల్లీ నిర్భయ...నిన్న అయేషా మీరా..మొన్న విజయవాడ శ్రీలక్ష్మి....ఇలా ఎందరో అమాయక అమ్మాయిలు మానవమృగాలకోరలకు, పైశాచిక రాక్షసులకు ఘోరంగా బలైపోయారు.దేశాన్ని పరిపాలించే అధినాయకులు సైతం కంటనీరు పెట్టుకోవడం, కళ్లు తుడుచుకోవడం తప్ప మరేమీ చెయ్యలేని నిస్సహాయ స్థితికి భారతదేశం దిగజారిపోయిందా?ఇక ఘోరలకు అడ్డుకట్టలేదా? మన మహిళలకు మనం రక్షణ కూడా కల్పించలేమా?ప్రశాంతంగా, ధైర్యంగా జీవించే హక్కు వాళ్లిక కోల్పోయారా?ఒళ్లు గగురు పొడిచే ప్రశ్నలు ప్రతి ఒక్కరినీ కలవరపరుస్తున్నాయి.మా మానాలతోనూ, ప్రాణాలతోనూ ఆటలాడుకునే నరరూప రాక్షసులను నడిరోడ్డు మీద నిలబెట్టి ఉరితీయండని ఎంతో ఆవేదనతో కళ్లనీళ్ల పర్యంతమై రెండు చేతులూ జోడించి వేడుకుంటున్న మహిళకు, ముక్కుపచ్చరాలని అమ్మాయిలకు,చిన్నారులకు పరిష్కారం లేదా?ఆధ్యాత్మిక మతపెద్దలు, రాజకీయనాయకులు,కమిటీలు చూపించే యావజ్జీవ జైలుశిక్ష పరిష్కారం కాగలదా? సం//ల తరబడి వాయిదాలు,సానుభూతులు,తప్పించడానికి ఏవిధమైన అవకాశాలు లేనప్పుడు విధించే తప్పనిసరి ఉరిశిక్ష విధించే చట్టాలు ఉపయోగపడగలవా? నేటి మహిళలకు న్యాయం చేసే..... రక్షణ కల్గించే పరిష్కారం ఎక్కడ దొరుకుతుంది? మానవనిర్మిత చట్టాలలోనా? దైవశాసిత చట్టాలలోనా? కరెక్ట్ పరిష్కారం ఎక్కడ దొరుకుతుంది? మీరు చెప్పగలరా?

10, నవంబర్ 2013, ఆదివారం

స్నేహమంటే ఇదే!

* పరిచయమైన వాళ్లతో మాట్లాడుతున్నప్పుడు నీ గురించి ఎక్కువగా చెప్పవద్దు.తమ గురించి వారు చెప్పుకున్నదంతా జాగ్రత్తగా వింటే చాలు.అందరూ మిత్రులవుతారు.
* నువ్వు ఇప్పుడు ఎంచుకున్న మిత్రులను చూస్తే భావిజీవితంలో ఎలాంటి విలువలను ఆపాదించుకోబోతున్నావో చెప్పవచ్చు.
* మన మిత్రులు జ్ఞానవంతులైతే భవిష్యత్ కార్యాచరణ గురించి ఆలోచనలు జరుగుతాయి.సామాన్యులైతే చుట్టూ జరుగుతున్న సంఘటనల గురించి చెబుతారు.అజ్ఞానులైతే ఇతరుల గురించి సొల్లు కబుర్లు చెప్పి విసిగిస్తారు.
* స్నేహితులను చాలా గౌరవంతో చూడాలి.కాలగతిలో నువ్వు చెప్పిన కబుర్లను మరచి పోతారేమోగాని,వారిని ఎంత గౌరవంగా చూసేవారో జీవితాంతమూ గుర్తుపెట్టుకుంటారు.
* స్నేహం కూడా మన లోగిలిలో ఉన్న పూలతోటవంటిదే.రోజూ నీళ్లు పోసి పోషణ చేస్తే పూలు గుత్తులు,గుత్తులుగా పూస్తాయి.
* స్నేహం అనే తోటలో ఎన్నో పువ్వులు వికసిస్తాయి.ప్రతి పువ్వుకూ ఓ అందం,సువాసన,విశిష్టత ఉంటుంది.స్నేహితులూ అంతే.
* స్నేహం స్నేహాన్నే కోరుతుంది.వేరే ఏ ప్రతిఫలాన్ని కోరదు.

6, నవంబర్ 2013, బుధవారం

అత్యాచారాలు ఆగాలంటే...?

విజయవాడ నుంచి వెళ్తున్న ట్రైన్ బోగీలో 27సం//ల ఓ వివాహిత దారుణంగా అత్యాచారానికి గురైంది.ఇలాంటి వార్తలు ప్రతిరోజూ T.V లలో న్యూస్ పేపర్లలో కానవస్తూనే వున్నాయి.దీనినిబట్టి అర్ధమయ్యేదేమిటంటే ఇంతకీ మానవమృగాల సంఖ్య తగ్గడం లేదు.పెరుగుతూనే పోతుంది. నిర్భయ చట్టం ఎందుకు పనికిరాకుండా పోతుంది.ఆ చట్టం పట్ల ఈ వెధవలకి ఏమంత భయంగాని,భీతిగాని ఏవీలేవు.
        ఎందుకిలా జరుగుతుంది?
        మన స్త్రీలకు రక్షణ కలిపించలేని చట్టాలున్నాయా?
        ఈ రోజు స్త్రీ ఒంటరిగా బస్సులో ప్రయాణిస్తే చంపుతున్నారు.ట్రైన్లలో ప్రయాణిస్తే చంపుతున్నారు.ఆఖరికి ఇంటిలో ఒంటరిగా ఉంటే రక్షణ కూడా లేదు. రేప్ చేయడం,తగలబెట్టడం,అతికిరాతకంగా,పైశాచికంగా హింసించి చంపడం.ఇదేం దారుణం.మనం ఏం చేయాలి? మనదేశం ఇక్కడనుండీ మానభంగాల మహా భారత్తేనా?
        ఇప్పుడున్న నిర్భయ చట్టాలేవీ పనిచేయవు!ఒక్కటే పరిష్కారం!
        ఎవరైతే స్త్రీల పట్ల అత్యాచారాలకు పాల్పడ్డారో వారిని నడిరోడ్డు మీద రాళ్లతో కొట్టి చంపాల్సిందే! ఇదొక్కటే పరిష్కారం.
        మానవ నిర్మిత చట్టాలేవీ పనికిరావు.
        దైవచట్టాలు అమలులోకి రావాల్సిందే!
        మహాప్రవక్త[స] వారు ఈ విషయంలో దిశానిర్దేశ్యం ఎప్పుడో చేసేశారు.మహిళ పట్ల అత్యాచారానికి పాల్పడినవాళ్లను ప్రజలందరి మధ్య నిలబెట్టి రాళ్లతో కొట్టి చంపేయమన్నారు.నిందుతుల విషయంలో వెంటనే శిక్షను అమలు చేయాలన్నారు.వాయిదాలు నిషిద్ధమని చెప్పారు!
        ఆ నేరం పట్ల ప్రజలలో వేడి,వేడి ఉంటుంది.ఆ సమయంలో శిక్షించడం వల్ల ఒక భయం పుడుతుంది.ఆ భయం నేరాలకు దూరంగా వుంచుతుంది.అలా కాకుండా ఆ వాయిదా, ఈ వాయిదాలని సం//ల తరబడి కాలయాపన చేయడం వలన నేరస్తులకు తప్పించుకోవడానికి అనేక మార్గాలు దొరుకుతాయి. ఢిల్లీ బస్సులో అతి కిరాతకంగా చంపిన నిర్భయ విషయంలో నేరస్తుల తరుపున కూడా వాదించడానికి లాయర్లు ఉన్న దేశం మనది.నేను కూడా ఓ స్త్రీ గర్భాన పుట్టానే అనే ఇంగిత జ్ఞానం లేని కొంతమంది లాయర్లు ఉన్నారు.ఈ పనికిమాలిన వ్యవహారం లేకుండా వెంటనే శిక్షించడం ఉత్తమం,ప్రయోజనం.
      ఇక స్త్ర్రీల విషయానికొస్తే...
      ఇంత జరుగుతున్నా ఏమంత భయం కూడా వీరికి లేదు.ప్రియులతో ఒంటరిగా గడపటాలు,పార్కులకూ,పబ్బులకూ,అర్ధరాత్రుల వరకూ సినిమా షికార్లు ఏమాత్రం మానలేదు. ఈ అత్యాచారాలన్నీ ఎక్కువశాతం వీరిపట్ల మాత్రమే జరుగుతున్నాయి.
      ఒంటిమీద అందచందాలు, ఒంపుసొంపులు బహిర్గతమయ్యేలా బత్తలేసుకు తిరగడం, పెదాలనిండా లిప్ స్టిక్ రాసుకోడాలు, నడకలలో వయ్యారాలు, అందులో మళ్లీ అందరూ తనను చూస్తున్నారా...లేదా? అనే ఓ పనికిమాలిన స్టైల్!
      పెళ్లైన తర్వాత ఆ అందాలన్నీ చేసుకున్న మొగిడికి చూపించుకోవాలి.బయటి మృగాళ్లకు కాదు.
      స్త్రీలలో అనేకమంది హద్దులు దాటిపోతున్నారు.ఈ దిక్కుమాలిన సినిమాల ప్రభావం పెరిగిపోయింది. ఒంటిమీద ఎంత చిన్న గుడ్డముక్క ధరిస్తే అంత రెమ్యూనరేషన్ దక్కుతుంది వాళ్లకు. డబ్బులకోసం వారలా నటిస్తున్నారు.బయటికొస్తే వారికి బోల్డు బందోబస్తు,పబ్లిసిటీ!
      సినిమా వాళ్లలా తయారయితే మనకెవడిస్తాడు బందోబస్తు.నిజానికి సినిమా జీవితానికి, రియల్ జీవితానికి ఏమాత్రం సంబంధం లేదు.కాబట్టి మహిళలు పద్దతి మార్చుకోవాలి. చక్కగా,నిండుగా బట్టలేసుకుని భారతదేశ స్త్రీలా తయారవ్వండి.ఫారిన్ కల్చర్ స్త్రీలా కాకుండా!

                 ఆధ్యాత్మిక ఆర్టికల్స్ కొరకు ఇక్కడ క్లిక్ చేయండి.

4, నవంబర్ 2013, సోమవారం

వీళ్లకిదేం పోయేకాలం?

ఆర్మీ సైన్యాలు ఒకపక్క దేశాన్ని కాపాడుతూ ఉంటే ...మరోప్రక్క దేశంలో ఆడవాళ్లు అతిదారుణం,కిరాతంగా బలవుతూ ఉన్నారు.ఒకసారి సైన్యాన్ని మూటముళ్లు సర్ధించి దేశంలో ఒకసారి అత్యాచార కేసులన్నీ సర్వే చేయించి ఎక్కడికక్కడ ఆ మానవమృగాలను వెదికి,వెదికి...పిట్టలను కాల్చినట్టు కాల్చిపారేస్తే దేశానికి పట్టిన దరిద్రం వదిలి పోతుందిగదా! అనుకునేవాడిని. ఈరోజు క్రింది వార్త చూసి ఆఖరికి ఆర్మీలో కూడా ఇటువంటి మానవమృగాలున్నాయని తెలిసి మనసు ఎంతో వేదనకు గురైంది.

హైదరాబాద్: రాష్ట్ర రాజధాని హైదరాబాదులో ఓ యువతిపై అత్యాచారయత్నం చేసిన కేసులో ముగ్గురు జవాన్లను పోలీసులు అరెస్టు చేసి నిర్భయ చట్టం కింద కేసు నమోదు చేశారు. సికింద్రాబాదులోని ఓ యువతిపై ముగ్గురు ఆర్మీ జవాన్లు అత్యాచారానికి యత్నించినట్లు తుకారాంగేట్ పోలీసు స్టేషన్‌లో ఫిర్యాదు నమోదైంది. అక్కడి తన స్నేహితుడిని బెదిరించి యువతిని ఎత్తుకెళ్లి వారు ఈ కిరాతకానికి పాల్పడ్డట్లుగా తెలుస్తోంది.
         
                     ఆ వార్త కొరకు ఇక్కడ క్లిక్ చేయండి.

2, నవంబర్ 2013, శనివారం

ఎప్పుడూ సంతోషంగా ఉండడం ఎలా?

మనచుట్టూ కష్టాల పుట్టగొడుగులు ఎన్ని మొలచినా నవ్వుతూ ఉండడం అలవాటు చేసుకోవాలి.కష్టం,సుఖం,లాభం,నష్టం ఏదైనా ప్రతిరోజూ కొత్తగా భావించి ఆ రోజును ఆస్వాదించాలి.గొప్పవిజయాలు సాధించలేకపోయినా విజయాలు సాధిస్తే చాలని భావించండి.ఆనందించడం, గెలుపొందడం ముఖ్యం.అవి పెద్దవే కానఖ్ఖరలేదు.ఎవరూ పుట్టుకతో సంతోషాన్ని వెంటతెచ్చుకోరు.సంతోషంగా వుండడం అలవాటు చేసుకోవాలి.
     సంతోషంగా ఉన్నవాని చుట్టూ ప్రత్యేక పరిస్థితులు వుండవు.సంతోషంగా ఉన్నవారు ప్రత్యేక లక్షణాలు కలిగివుంటారు.ఒక్కసారి ఈ లక్షణాలు గ్రహిస్తే మీరు మీ చుట్టూ ఉండే వాతావరణాన్ని కొలిచే సాధనంగా కాక, వాతావరణాన్ని సృష్టించే వారుగా మారగలుగుతారు.

                                ఆధ్యాత్మిక ఆర్టికల్స్ కొరకు ఇక్కడ క్లిక్ చేయండి.

30, అక్టోబర్ 2013, బుధవారం

పరలోక విశ్వాసం - ప్రాచీన భారతదేశం

            పరలోక విశ్వాసం సార్వజనీన సిద్ధాంతం.దాన్ని అన్యసిద్ధాంతం లేక భారతీయేతర  సిద్ధాంతం అని అనుకోవడం పొరపాటు.ఈ సిద్ధాంతాన్ని నమ్మడం అంటే ఓ భారతీయేతర సిద్ధాంతాన్ని నమ్మడం అని అర్ధం కాదు.సత్యం విషయంలో అది భారతదేశానికి సంబంధించినదా లేక భారతదేశానికి ఆవల నుండి వచ్చిందా అనిచూడ్డం అనేది అనవసరం.సత్యం ఎక్కడ,ఏ రూపంలో ఉన్నా అది పూర్తిగా మానవాళి ఉమ్మడి సొత్తు.
              ప్రస్తుతం జీవితానికి సంబంధించిన ఇతర దృష్టికోణాలను వదిలి మనం కేవలం పరలోక వాదాన్నే తీసుకుని ఈ విషయంలో భారతదేశ సంప్రదాయాలు,సంస్కృతి ఎలా ఉన్నాయో చూద్దాం. More read

29, అక్టోబర్ 2013, మంగళవారం

ఈ రోజుల్లో సంతోషంగా ఉండాలంటే 6 అంకెల జీవితం పొందాలంట!

అవేంటో అని ఆశర్యంగా ఉందా? మీరే చూడండి.
6 : 1,00000 [కనీసం ఒక లక్ష సంపాదన]
5 : కనీసం 5 దేశాల పర్యటన
4 : ఫోర్ వీలర్ కారు
3 : ట్రిపుల్ బెడ్ రూం హౌస్
2 : కనీసం ఇద్దరు పిల్లలు.
1 : ఓ చక్కని భార్య. నిజమేనంటారా ?

28, అక్టోబర్ 2013, సోమవారం

సరదాగ కాసేపు


యేసువారు నిజంగానే పునరుత్థానుడా? -2


యేసు పునరుత్థానం గురించి పశీలిద్దాం
ఎవడును నా ప్రాణము తీసికొనడు.నా అంతట నేనే దాని పెట్టుచున్నాను.దాని పెట్టుటకు నాకు అధికారం కలదు.దానిని తీసుకొనుటకు నాకు అధికారము కలదు.నా తండ్రి వలన ఈ ఆజ్ఞ పొందితిననెను. -యోహాన్:10:18
          యేసు ప్రజల విమోచన క్రయధనముగా తనంతటతానే మనస్పూర్తిగా ప్రాణములనర్పించి, మూడవ రోజు పునరుత్థానం చెంది సజీవముగా లేస్తాడని పౌలు చేసిన ప్రచారానికి నిదర్శనంగా పై వాక్యం అద్దం పడుతున్నది. విచిత్రమేమిటంటే మాటలైతే కనపడుతున్నాయి కాని చేతలలో చాలా వైరుధ్యం ఉంది.

                   2వ భాగం వచ్చింది. మీ సాక్ష్యం మేగజైన్ బ్లాగులో ఇక్కడ క్లిక్ చేయండి

26, అక్టోబర్ 2013, శనివారం

యేసువారు నిజంగానే పునరుత్థానుడా? - 1

గనుక పౌలు తన వాడుక చొప్పున సమాజపు వారియొద్దకు వెళ్లి క్రీస్తు శ్రమపడి మృతులలో నుండి లేచుట అవశ్యమనియు,నేను మీకు ప్రచురము చేయుచు చేయు యేసేక్రీస్తయి యున్నాడనియు లేఖనములలో నుండి దృష్టాతంలనెత్తి చెప్పుచు,వారితో మూడు విశ్రాంతి దినములు తర్కించుచుండెను. అపొ//కా :17:2-3

ఆయన మన అపరాధముల నిమిత్తం అప్పగింపబడి,మనము నీతిమంతులుగా తీర్చబడుటకై లేపబడెను. రోమా:4:25

యేసు ప్రభువని నీ నోటితో ఒప్పుకుని, దేవుడు మృతులలో నుండి ఆయనను లేపెనని నీ హృదయమందు విశ్వసించిన యెడల నీవు రక్షించబడుదువు. రోమా 10:9

నా సువార్త ప్రకారం దావీదు సంతానంలో పుట్టి మృతులలో నుండి లేచిన యేసుక్రీస్తును జ్ఞాపకము చేసుకొనుము. 2వ తిమోతి 2:8


        యేసు మరణించిన తరువాత పునరుత్థానమయ్యారని పౌలు ప్రచారం చేసినట్లు పై వాక్యాలలో తెలుస్తుంది.అయితే ఇది అంతిమ పునరుత్థానము గురించా? కాదు.కాని యేసు సిలువపై మరణించినట్లు అపోహకు గురయై తరువాత మూడవరోజు మృతులలో నుండి సజీవంగా లేచారని జరిగిన ప్రచారానికి సంబంధించిన పునరుత్థానము.

క్రింది వచనాలను గమనించండి.

       యేసు మృతిపొంది తిరిగి లేచెనని మనము నమ్మినయెడల, అదే ప్రకారము యేసునందు నిద్రించినవారిని దేవుడాయనతో కూడ వెంటబెట్టుకుని వచ్చును.మేము ప్రభువు మాటను బట్టి మీతో చెప్పునదేమనగా ప్రభువు రాకడవరకు సజీవులమై నిలిచియుండు మనము నిద్రించినవారికంటే ముందుగా ఆయన సన్నిధినిఒ చేరదము.ఆర్భాటముతోనూ,ప్రధానదూత శబ్ధముతోనూ దేవును బూరతోను పరలోకము నుండి ప్రభువు దిగి వచ్చును.క్రీస్తునందుండి మృతులైనవారు మోదట లేతురు.ఆ మీదట సజీవులమై నిలిచియుండు మనము వారితో కూడ ఏకముగా ప్రభువును ఎదుర్కొనుటకు ఆకాశమండలమునకు మేఘముల మీదకొని పోబడుదుము.కాగా మనము సదాకాలము ప్రభువుతో కూడ వుందుము.కాబట్టి మీరు ఈ మాటలచేత ఒకనికొకడు ఆదరించుకొనుడి. 1వ ధెస్సలోనియకకు 4:14-18
        

        యేసు పునరుత్థానమును గూర్చి ప్రచారం చేస్తూ పై వచనాలలో అంతిమ పునరుత్థానము [GENERAL RESURRECTION] గురించి కూడా చెప్పడం జరిగింది. ఆ రోజు యేసునందు నిద్రించిన వారు అనగా యేసుపట్ల విశ్వాసముంచి మరణించినవారు అందరికంటే ముందు లేస్తారని, అప్పటికి ఇంకా బ్రతికి ఉన్న క్రైస్తవులు యేసును అనుసరించి వెళ్తారు.అయితే అన్యుల గూర్చి ఇక్కడ ఏమీ చెప్పలేదు.అప్పటికి ఇంకా బ్రతికి ఉన్న క్రైస్తవులు మేఘాలలో కొనిపోబడి,యేసునుందు మరణించి మోదటి ఫలముగా పునత్థానము చెందిన వారితో కలిసి యేసును ఎదుర్కొని వెంబడిస్తారు.ఆ విధంగా అప్పటికి బ్రతికి ఉన్నవారు మరణము-పునరుత్థానము అనెడి సహజ ప్రక్రియలకు లోనుకాకుండా నిరంతరం బ్రతికి ఉంటారు.ఇది పౌలు ప్రచారం.ఇది ఎంతవరకూ వాస్తవమో పరిశీలిద్దాం. 
                                                                    Read More

24, అక్టోబర్ 2013, గురువారం

మీ బ్లాగులను జత చేయండి

బ్లాగ్ వేదిక నూతనంగా తయారవుతుంది.ప్రియమైన బ్లాగర్లందరూ తమ,తమ బ్లాగులను బ్లాగ్ వేదికలో జత చేయవల్సిందిగా కోరుచున్నాము.బ్లాగు వేదికను మరింతగా తీర్చిదిద్దే పనిలో ఉన్నాము.త్వరలో వెబ్ సైట్ గా మారుతుంది.మీ బ్లాగులను జతచేయుటకు http://blogvedika.blogspot.in/  పై క్లిక్ చేయండి

21, అక్టోబర్ 2013, సోమవారం

వెంగళప్ప బస్ ప్రయాణం

నగనగా ఒక ఊరులో ఒక వెర్రి వెంగళప్ప ఉండేవాడు.ఊరంతా తనను తింగరిబుచ్చోడు అనుకున్నా తనుమాత్రం మహా మేధావి అనుకునేవాడు.ఒకసారి పక్క ఊరికి వెళ్లాల్సి వచ్చి తొలిసారిగా బస్ ఎక్కాడు.ఇంతకు ముందు కాలి నడకనే వెళ్లివచ్చేవాడు.తొలిసారిగా బస్ ఎక్కిన కారణంగా బస్ లో టికెట్ తీసుకోవాలనే విషయం అస్సలు తెలీదు.కాలు మీద కాలు వేసుకుని కూర్చుని జర్నీని ఎంజాయ్ చేయడం మొదలుపెట్టాడు.ఇంతలో బస్ కండక్టర్ టికెట్...టికెట్ అని అరుస్తూ బస్సులో అటుఇటూ తిరుతుంటే పాపం వెంగళప్ప చూడలేక కండక్టర్ తో "ఏమయ్యా నీకసలు బుద్దుందా? ఎవరూ కొననది ఎందుకలా అరుస్తావ్.అవేంటో వేరే బస్సెక్కి అమ్ముకోవచ్చుగా "అని గొప్పగా....అందరూ తననే చూస్తుంటే వీర లెవెల్లో చెప్పాడు.

19, అక్టోబర్ 2013, శనివారం

మీ ఆలోచనలు పంపండి

         
ప్రతివాళ్లకీ ఎన్నో ఆలోచనలు మదిలో మెదులుతూనే ఉంటాయి.
వాటిలో మీ వ్యక్తిగత జీవితానికి సంబంధించినవి భద్రంగా దాచుకోండి. సమాజం గురించీ,దేశం గురించీ,అందరికీ సమస్యలుగా తయారయ్యే విషయాల గురించి మీకొచ్చే ఆలోచనలను "వెన్నెల కెరటం" సాహిత్య బ్లాగులో మీ సహ బ్లాగు వీక్షకులతో పంచుకోండి.వీలైతే మీకు తోచిన పరిష్కారాలు చెప్పండి.మంచి సూచనలు చేయండి.మీ మనస్సులో మాటల్ని అక్షరాలుగా కూర్చి పంపండి. దానితోపాటు మీకిష్టమైతే మీ ఫొటో జత చేయండి.మీ ఆలోచనలు ఎందరికో కనువిప్పు కలిగించవచ్చు.కొందరికి ఓదార్పునివ్వవచ్చు.సమాజానికి మేలుకొలుపూ కావచ్చు.
                 మీ ఆలోచనలు పంపాల్సిన మెయిల్ ఐడి:
                   md.ahmedchowdary@gmail.com

       వెన్నెలకెరటం సాహిత్య బ్లాగు కొరకు క్లిక్ చేయండి.

15, అక్టోబర్ 2013, మంగళవారం

నవ్వుల విందు : మల్లిక్ కార్టూన్స్

కడుపుబ్బ నవ్వించే కార్టూనిస్ట్ ఎవరని? ఎవరిని అడిగినా ఇంకెవరూ మల్లిక్ గారే అనే సమాధానమే వస్తుంది.తన కార్టూన్ మాయాజాలంతో అంతలా పాఠకులతో తన సంబంధాన్ని ఏర్పరుచుకుని ఎందరో అభిమానులను సంపాదించుకున్నాడాయన! మీ అందరికోసం మచ్చుకు కొన్ని.







మరిన్ని కార్టూన్ల కొరకు "వెన్నెలకెరటం" సాహిత్య బ్లాగును చూడండి

14, అక్టోబర్ 2013, సోమవారం

మీలో ఈ గుణాలుంటే ?

జీవితం అనేక సమస్యలతో నిండిపోయినప్పుడు బ్రతకడమే ఒక సమస్యగా మారిపోతుంది.ఎవరూ కూడా ఇటువంటి పరిస్తితి రాకుండానే జాగ్రత్తపడాలి.దీనికి గమ్యనిర్దేశ్యం,ప్రణాలిక, సమయనిబద్ధత,తెగింపు, క్రమశిక్షణ అవసరం. ఈ విధమైన జాగ్రత్తలు తీసుకున్నప్పుడే జీవితమనేది నందనవనంగా తయారవుతుంది. ఒకవేళ అనుకోని రీతిలో సమస్యలు వచ్చినా ఎదురుతిరిగి పోరాడే ధైర్యం,పరిష్కరించుకునే చాకచక్యం,నేర్పరితనం అన్నీ సమకూరుతాయి.
తెలివైన జ్ఞాని భవిష్యత్ ని నందనవనంగా చేసుకోవడానికి కొన్ని త్యాగాలు చేస్తాడు.
తెలివైన మూర్ఖుడు భవిష్యత్ ని మూడడుగులకంటే ఎక్కువ ఊహించక సర్వనాశనమవుతాడు.
          నేను ఒకసారి బసులో ప్రయాణం చేస్తునప్పుడు పక్క సీట్లో ఒక వ్యక్తి [బహుశా 35సం//] కూర్చున్నాడు.బస్సు బయలుదేరిన 5నిమిషాల తరువాత ఒకరికొకరం పరిచయం పెంచుకున్నాం.తను యం.బి.బి.యస్ డాక్టర్ గా పనిచేస్తున్నాడట.తనీ పరిస్తితికొచ్చి ఎంతో ఆనందం,తృప్తి పొందుతున్నానని చెప్పాడు.తను చెప్పిన కొన్ని విషయాలు నాకు ఎంతో ఆశ్చర్యం కలిగించాయి.ఆనందానిచ్చే పెద్ద లక్ష్యం పూర్తి కావాలంటే సంతోషానిచ్చే చిన్న,చిన్న పనులు త్యాగం చెయ్యాలి సర్ అన్నాడు.
     "నా టార్గట్ డాక్టరవ్వడం అదే నా పెద్ద గోల్!దానిని పొందడం కోసం చదువుకునే రోజుల్లో సినిమాలు మానేసాను.షికార్లు మానేసాను.ఫ్రెండ్స్ తో పనికిరాని మాటలు మానేసాను.ప్రేమించడానికి అందమైన అమ్మాయి కావాలి.మనకు నచ్చాలి.చదువుకునే రోజుల్లో ట్రై చేస్తే దక్కించుకోవడం బహు కష్టం.లవ్ లో పడితే లైఫ్ సర్వనాశనమవుతుంది.అందుకనే దానికి దూరంగా ఉన్నాను.నేను నా గోల్ సాధించిన తరువాత నా పెళ్లికొచ్చిన అమ్మాయిల ఫొటోలను చూసి ఏది సెలక్ట్ చేసుకోవాలో తెలియని అయోమయం పడ్డానంటే నమ్మండి.అదే చదువుకునే రోజుల్లో ప్రేమా,దోమా అని వుంటే నాకు జాగీ కూడా లేకుండా పోదును.నా ఫ్రెండ్స్ లోనే చాలా మంది ప్రేమలో పడి చదువు అటకెక్కించి చిన్న,చిన్న వృత్తులో బ్రతుకును ఈడుస్తూ జీవిస్తున్నారు.నేనుకూడా వారిలాగే ఎటువంటి లక్ష్యం లేకుండా జీవించి ఉంటే నాగతి కూడా అదే అయ్యుండును.కానీ నేను జాగ్రత్తపడ్డాను."జ్యూస్ త్రాగి ఆనందం [ఆరోగ్యం] పొందాలంటే, ప్రతిరోజూ టీలు,కూల్ డ్రింక్స్ తాగే అలవాటు చంపుకోవాలి" పెద్ద,పెద్ద ఆనందాలను సాధించడం కోసం చిన్న,చిన్న సంతోషాలు త్యాగం చేయడమే ప్రణాలిక.ఇది సాధించిన తరువాత పొందేదే జీవితం సర్."
        అతని మాటలు కొద్దిగా అర్ధం కాకపోయినా ఆలోచిస్తే మాత్రం జీవిత సత్యమే బోధపడుతుంది.మనం గమ్యరహితంగా జీవిచడం ప్రారంభించడం అంటే మన నాశనాన్ని మనమే అభివృద్ధి చేసుకుంటున్నట్టు లెక్క.కాబట్టి మనిషి గమ్యం నిర్దేశించుకోవాలి.ఆనందానికి అవధులను,అవాంతరాలను దూరం చేసుకోవాలి.ముఖ్యంగా దానికి కావాల్సిన సామాగ్రి-5 రకాలు.
                              మెదటిది : గమ్యనిర్దేశ్యం
                              రెండవది : ప్రణాలిక
                           మూడవది : సమయనిబద్ధత
                              నాల్గవది : తెగింపు [పట్టుదల]
                               ఐదవది : క్రమశిక్షణ

         పై 5 గుణాలు మీలో పుష్కలంగా ఉంటే మీరు విజయం సాధించినట్లే! ఆనందానికి దారులు వేసుకున్నట్టే! ప్రయాణం చేసి విజయమనే గమ్యాన్ని చేరుకోవడమొక్కటే తరువాయి.ఆల్ ది బెస్ట్.

12, అక్టోబర్ 2013, శనివారం

సకల రంగాల సంపూర్ణ బ్లాగవతం-1

నేను బ్లాగ్ మొదలుపెట్టినప్పుడు నా విషయాలు,రచనలు మాత్రమే అందించాలి అనుకున్నాను.అంటే ఆన్ లైన్ డైరీలా నా పర్సనల్ డేటా ఉంచుదామనుకున్నాను.తీరా కొన్నాళ్లు వాడిన తర్వాత అన్ని రంగులు,రంగాలు మిళితం చేసి అందరికీ చేరువ చేస్తే బాగుంటుంది అనిపించింది.అందుకే నా బ్లాగును 'సకల రంగాల సంపూర్ణ బ్లాగవతం'గా మార్చాను.దీని ద్వారా మీ అందరితో దగ్గరవ్వడం ఒకటైతే మిమ్మల్ని కూడా ఇందులో భాగస్తులను చెయ్యడం మరొకటి.దీని వలన కలిగే ప్రయోజనమేమిటో తెలియదు కానీ,పూర్తిగా ఈ బ్లాగు గురించి ప్రచారం కల్పించాలనికుంటున్నాను.ఈ బ్లాగులో సాహిత్యం,పుస్తకాలు,ఆరోగ్యం,ఆధ్యాత్మికం,ఆటలు,పాటలు వార్తలు,వాయింపులు అన్నీ ...ఒక్కటి కాదు,రెండుకాదు 64కళలు అందుబాటులోకి తీసుకొస్తాను.దానితోపాటు సోషల్ బ్లాగ్ నెట్ వర్క్,వ్యాపార లావాదేవీలు,అమ్ముకోవడాలు,కొనుక్కోవడాలు అన్నీ ఉంటాయి.లేదనేదేదీకూడా లేకుండా చేస్తాను.మీరు కూడా దీనితో లింక్ కలుపుకోండి.మీ బ్లాగులను,వ్యాపారాలను అభివృద్ధి పర్చుకోండి...అదేంటో...ఎలాగో ...త్వరలోనే చెప్తాను.ప్లీజ్ వెయిట్ అండ్ సీ!

మీరు రచయి[త్రు]తలు కవులు,కవయిత్రులు అయితే మంచి రచనలు పంపండి

coming soon

సీరియల్స్

కథలు       కవితలు        సీరియల్స్        వ్యాసాలు         అవీ,ఇవీ,అన్నీ
__________________________________________________

కవితలు

కథలు       కవితలు        సీరియల్స్        వ్యాసాలు         అవీ,ఇవీ,అన్నీ
__________________________________________________

5, అక్టోబర్ 2013, శనివారం

Internet erning

డాలర్లు సంపాదించాలంటే విదేశాలకే వెళ్లాల్సిన పని లేదు. ఇంట్లో ఇంటర్నెట్ ఉంటే చాలు. మీ సృజనాత్మకత, నైపుణ్యం, కొంచెం సమయం పెట్టుబడిగా ఇంటర్నెట్ ద్వారా డబ్బులు సంపాదించవచ్చు.

సెల్ఫ్ పబ్లిషింగ్ బుక్స్

మీకు కథలు, నవలలు రాసే అలవాటుందా? ఇప్పటికే మీరు రాసిన కథలు గుట్టలు గుట్టలుగా పేరుకుపోతున్నాయా? మీ సృజనాత్మకలను ప్రపంచానికి పరిచయం చేసే అవకాశాన్ని అమెజాన్ కల్పిస్తోంది. వాటిని అమెజాన్ ద్వారా ఉచితంగా పబ్లిష్ చేయవచ్చు. కిండిల్ (ఎలక్ట్రానిక్) డైరెక్ట్ పబ్లిషింగ్ పేరుతో అమెజాన్ వెబ్‌సైట్‌లో ఈ ఆఫర్ అందుబాటులో ఉంది. వీటి అమ్మకాలపై మీకు రాయల్టీ అందుతుంది. ఇందులో రెండు ప్లాన్స్ అందుబాటులో ఉన్నాయి. ప్రపంచవ్యాప్తంగా పుస్తకాలు అమ్మాలనుకుంటే 35 శాతం రాయల్టీ, కేవలం ఎంపిక చేసిన కొన్ని దేశాల్లో అమ్మాలనుకుంటే 70 శాతం రాయల్టీని అమేజాన్ మీకు చెల్లిస్తుంది. భారతీయ రచయిత లకు వారి పుస్తకాల ధరలు నిర్ణయించే అధికారం ఉంది. అలాగే, రాయల్టీ మొత్తాన్ని దేశీ కరెన్సీలో అందుకుంటారు.

అప్లికేషన్ల అమ్మకం

వర్థమాన మార్కెట్లలో స్మార్ట్‌ఫోన్లు, టాబ్లెట్ల అమ్మకాల ప్రభంజనం సృష్టిస్తున్నాయి. వీటి కోసం కొత్త కొత్త అప్లికేషన్లు రూపొందించడం లాభదాయక వ్యాపారంగా రూపుదిద్దుకుంటోంది. అప్లికేషన్ రూపొందించడం గురించి ఆన్‌లైన్ పాఠాలు ఉచితంగా అందుబాటులో ఉన్నాయి. అప్లికేషన్‌ను రూపొందించిన తర్వాత దాన్ని సంబంధిత అప్లికేషన్ స్టోర్‌కు సమర్పించాల్సి ఉంటుంది. తర్వాత అప్లికేషన్‌కు ఒక ధర నిర్ణయించాలి. అప్లికేషన్ అమ్మకాలపై వచ్చిన ఆదాయం నుంచి ఫీజులు మినహాయించి మిగిలిన డబ్బును నెలవారీగా అందిస్తారు.

ఫోటోల అమ్మకం

ఆన్‌లైన్‌లో ఫొటోలు విక్రయించడానికి shutterstock. com, shutterpoint.com, istockphoto.comలాంటి వెబ్‌సైట్లు అందుబాటులో ఉన్నాయి. ఆయా సైట్ల విధానాలను బట్టి ప్రతి ఫోటో అమ్మకంపై 15 శాతం నుంచి 85 శాతం వర కు రాయల్టీ పొందవచ్చు. నాణ్యమైన ఫొటోలు, వైవిధ్య ఫొటోలు కలిగిన ఉంటే అమ్మకాలు జోరుగా సాగుతాయి. అయితే, మీరు అప్‌లోడ్ చేయాలనుకున్న ఫొటోగ్రాఫ్ ఆయా సైట్ల యాజమాన్యం ఆమోదం పొందాల్సి ఉంటుంది. ఫొటోల ఎంపికలో సైట్లు కఠిన నిబంధ నలు అమలు చేస్తాయి.

పాత వస్తువుల అమ్మకం

ఇంట్లో వృధాగా పడి ఉన్న పాత వస్తువులను ఆన్‌లైన్ ద్వా రా విక్రయించి డబ్బు సంపాదించవచ్చుolx.in, quickr.com & craigslist.co.in లాంటి వెబ్‌సైట్లు వీటి కోసం ఉచితంగా ఒక ప్లాట్‌ఫాంను అందుబాటులో ఉంచాయి. ఇందులో ఒక అకౌంట్ ఓపెన్ చేసి అమ్మకానికి పెట్టిన వస్తువుల వివరాలు, ధర, ఫొటోలు, ఏ ప్రదేశంలో ఉంది అనే సమాచారాన్ని తెలియజేయాల్సి ఉంటుంది. ఆసక్తి గల వారు నేరుగా మిమ్మల్నే సంప్రదించి కొనుగోలు చేస్తారు.

ఆన్‌లైన్ షాప్ ప్రారంభం

మీరు సొంతంగా రూపొందించిన వస్తువులు లేదా హోల్‌సేల్ డీలర్ల నుంచి ఒకేరకమైన కొన్ని వస్తువులను తక్కువ ధరకు కొనుగోలు చేసి వాటిని ఆన్‌లైన్ ద్వారా విక్రయించవచ్చు.ebay.in, indiebazaar.com లాంటి వెబ్‌సైట్ల ద్వారా వాటిని విక్రయించవచ్చు. ఈ రెండు సైట్లలో సైన్అప్ ప్రాసెస్ ఉంటుం ది. అది పూర్తయ్యాక ఆన్‌లైన్ షాప్ నిర్వహించడానికి ఫోటోలు, వాటి వివరాలు సైట్‌లో ఎలా జతపరచాలనే విషయాన్ని వివరిస్తారు.

ఆన్‌లైన్ వర్కింగ్

ఇంటర్నెట్‌లో చాలా బోగస్ కంపెనీలు ఉంటాయి. చేసిన పనికి డబ్బులు చెల్లిస్తామని హామీ ఇవ్వడమే గాని చెల్లించిన దాఖలాలు చాలా తక్కువగా ఉంటాయి. కానీ ఈ విభాగంలోodesk.com, elance.comలు అత్యంత నమ్మకమైనవి. ఈ వెబ్‌సైట్లో వర్క్ చేయాలంటే, ముందు ఒక ప్రొఫైల్ క్రియేట్ చేయాలి. తర్వాత మీరు పనిచేయదలచుకున్న విభాగంలో పరీక్షలు నిర్వహిస్తారు. ఈ పరీక్షల్లో ఎంచుకున్న సబ్జెక్ట్‌లో మీ నైపుణ్యం చూపించాల్సి ఉంటుంది. ఇందులో మీరు నెగ్గితే, సం బంధిత వెబ్‌సైట్లో మీరు లిస్ట్ అవుతారు. మీ సబ్జెక్ట్ అవసరం ఉన్న కస్టమర్లు మిమ్మల్ని హైర్ చేసుకుంటారు. గంటల లెక్కన వేతనం చెల్లిస్తారు. ఎక్కువ వేతనం కావాలంటే ఎక్కువ సేపు కష్టపడాల్సి ఉంటుంది. మీ పనితీరు పట్ల క్లయింంట్లు సంతృప్తి వ్యక్తం చేయడం అతి ముఖ్యం.

ఇ-ట్యూషన్లు

ఏదైనా సబ్జెక్ట్‌లో మీకు ప్రావీణ్యత ఉంటే ఇంట్లో కూర్చునే ఆన్‌లైన్ ద్వారా ట్యూషన్లు చెప్పవచ్చు. ఈ వెసులుబాటును www.2tion.net,  www.tutorvista.com ఛిౌఝలు కల్పిస్తున్నా యి. ఈ సైట్లలో మీరు ఒక ట్యూటర్ ప్రొఫైల్ క్రియేట్ చేసుకోవాలి, ఇందులో మీ చెప్పే సబ్జెక్ట్, ఏ కోర్సులు/క్లాసుల వారికి చెప్పాలనుకుంటున్నారు, టీచర్‌గా మీ అనుభవం, అందుబాటులో ఉండే సమయాలు, ఆశిస్తున్న వేతన ం తదితర వివరాలు పొందుపరచాల్సి ఉంటుంది. మీ ప్రొఫైల్‌ను సైట్ నిర్వాహకులు «ద్రువీకరించి, వారి పోర్టల్‌లో ప్రవేశపెడతారు. ఆసక్తిగల విద్యార్థులు మిమ్మల్ని సంప్రదిస్తారు. ఇందులో మీరు రాణిస్తే ఏకకాలంలో మరింత మంది విద్యార్థులకు ట్యూషన్ చెప్పడం ద్వారా అధిక వేతనం సంపాదించవచ్చు.

ప్రకటనలతో..

మీ బ్లాగ్, వెబ్‌సైట్, యూట్యూబ్ చానల్‌లో గూగుల్ యాడ్‌సెన్స్ ప్రకటనల ద్వారా డబ్బులు సంపాదించవచ్చు. ఇందులోకి ప్రవేశించాలంటే www.google.com/adsenseలో ఒక అకౌంట్ క్రియేట్ చేసుకోవాలి. ఇదే అకౌంట్‌ను మీ వెబ్‌సైట్, బ్లాగ్, యూట్యూబ్ చానల్‌కి వాడుకోవచ్చు. మీరు నిర్వహిస్తున్న అకౌంట్‌ను విజిట్ చేసే వారి సంఖ్యపై ఆధారపడి సంపాదన ఉంటుంది. విజిటర్లు ఎక్కువయ్యే కొద్దీ సంపాదన పెరుగుతుంది. మీరు రాసే ప్రతి విషయం కొత్తగా, ఆకర్షణీయంగా, ఆసక్తికరంగా ఉండాలి. అలాగే, యూట్యూబ్‌లో ఉంచే వీడియోలు వాస్తవమైనవి, ఆసక్తి కలిగించేవిగా ఉండాలి. మీ చానల్‌ను ప్రమోట్ చేసుకోవడం ద్వారా ఎక్కువ మంది సందర్శించే అవకాశం ఉంటుంది. ఇందులో ఎదుగుదలకు ఎక్కువ సమ యం పడుతుంది. అయితే, ప్రకటనల ద్వారా మీ సంపాదన 100 డాలర్లను దాటినప్పుడే గూగుల్ ఒక్కసారిగా మొత్తం డబ్బు చెల్లిస్తుంది.

11, ఆగస్టు 2013, ఆదివారం

యేసు బోధనలలో దేవుడెవరు?

మర్యం కుమారుడైన మసీహ్ [మెస్సయ్య]యే అల్లాహ్ అని అన్నవారు నిశ్చయంగా అవిశ్వాసానికి పాల్పడినట్లే.వాస్తవానికి మసీహ్ [యేసు] ఇలా అన్నారు: ఇస్రాయేలు వంశీయులారా! అల్లాహ్ [యెహోవా]కు దాస్యం చేయండి.ఆయన నాకూ ప్రభువే [దేవుడే] మీకూ ప్రభువే [దేవుడే],ఇతరులను అల్లహ్ కు భాగస్వాములుగా చేసేవారికి అల్లహ్ స్వర్గాన్ని నిషిద్ధం చేశాడు.వారు నివాసం నరకం.అటువంటి దుర్మార్గులకు సహాయం అందించేవాడెవడూ లేడు.
అల్లాహ్ "ముగ్గురిలో ఒకడు" అని అన్నవారు నిశ్చయంగా అవిశ్వాసానికి పాల్పడినట్లే.వాస్తవానికి దేవుడు ఒక్కడే.మరొక దేవుడు లేడు.వారు గనక తమ ఈ మాటలను మానుకోకపోతే వారిలో అవిశ్వాసానికి ఒడిగట్టిన వారికి వ్యధాభరితమైన శిక్ష పడుతుంది.
అయితే వారు అల్లాహ్ [యెహోవా] వైపునకు మరలరా? క్షమించు అని ఆయనను వేడుకోరా? అల్లాహ్ [యెహొవా] అమితంగా మన్నించేవాడు మరియు కరుణించేవాడూనూ .   దివ్య ఖుర్ ఆన్  5 : 72-74

1.యేసు స్వయంగా దేవుని [అల్లాహ్/ప్రభువు/యెహొవా] వైపునకు పిలిచేవారు
1.అందుకు యేసు - ప్రధానమైనది ఏదనగా ఓ ఇశ్రాయేలు వినుము.మన దేవుడైన ప్రభువు [అల్లాహ్] అద్వితీయ ప్రభువు.  మార్కు :12 :29
2.అందుకు యేసు - నీ దేవుడైన ప్రభువు [అల్లాహ్]నకు మ్రొక్కి ఆయనను మాత్రమే సేవించవలెను.లూకా : 4 : 8
3. నాసహొదరుల యొద్దకు వెళ్లి -నా తండ్రియు మీ తండ్రియు నా దేవుడును మీ దేవుడునైన వాని [అల్లాహ్]యొద్దకు ఎక్కిపొవుచున్నానని వారితొ చెప్పమనెను. యోహాన్ :20:17
యేసు కేవలం "అల్లాహ్ ఒక్కడే దేవుడు" అని చెప్పడమే కాదు ఆరాధించి చూపించారు.

11.యెహొవా [అల్లాహ్] నే యేసు ప్రార్దించేవారు.
1. ప్రజలందరూ బాప్తిస్మము పొందినప్పుడు యేసు కూడా  బాప్తిస్మము  పొంది ప్రార్దన చేయుచుండగా ఆకాశము తెరవబడి ....లూకా : 3:21
2. ఆయన [యేసు]   పెందలకడనే  లేచి యింకను చాలా చీకటి  యుండగానే అరణ్య ప్రదేశ్యమునకు వెళ్లి అక్కడ ప్రార్ధన చేయుచుండెను. మార్కు 1;35
3.ఆయన [యేసు] ప్రార్దన చేయుటకూ   కొండకు వెళ్ళి దేవుని [అల్లాహ్] ను ప్రార్ధించుటయందు రాత్రి గడిపెను.లూకా : 6:12

111.అద్భుతాలు చేసేటప్పుడు సహితం యేసు అల్లాహ్ ను ప్రార్ధించేవారు.
1.అందుకాయన [యేసు] ప్రార్ధన వలననే గాని మరి దేని వలననైనను ఈ విధమైనది [దయ్యము] వదలి పోవుట అసాధ్యమని వారితో చెప్పెను.  మార్కు : 9:29
2.లాజరు విషయమై యేసు కన్నీటి ప్రార్ధన చేసెను. యొహాను : 11:35-41

1V.కష్ట కాలంలొ మరింత వేదనతో యేసు అల్లాహ్ ను ప్రార్ధించుచుండేవారు.
1.కొంత దూరము సాగిపోయి నేల మీద పడి సాధ్యమైతే ఆ గడియ నా యొద్ద నుండి తొలగిపోవలెనని ప్రార్ధించుచు...మార్కు : 14:35
2. ఆయన [యేసు] వేదన పడి మరింత ఆతృ తగా ప్రార్ధన చేయగా ఆయన చెమట నేల పడుచున్న గొప్ప రక్త బిందువుల వలె ఆయెను. లూకా : 22:44
3. తిరిగి పోయి,యింతకు ముందు పలికిన మాటలనే యేసు పలుకుచు ప్రార్ధించెను. మార్కు : 14:39

V. శిష్యులను కూడా తండ్రి [అల్లాహ్]నే ప్రార్ధించమని యేసు బోధించేవారు
1. నీవు ప్రార్ధన చేయునప్పుడు నీ గదిలోనికి వెళ్లి తలుపు వేసి రహస్యమందున్న నీ తండ్రికి [అల్లాహ్]కు ప్రార్ధన చేయుము.అప్పుడు రహస్యమందు చూచు నీ తండ్రి [అల్లాహ్] నీకు ప్రతిఫలమిచ్చును. మత్తయి 6:6
2. అందుకాయన [యేసు] - మీరు ప్రార్ధన చేయునప్పుడు తండ్రి [అల్లాహ్] నీ నామము పరిశుద్ధ పరచబడుగాక...లూకా 11: 2-4
3. మరియు మీరు ప్రార్ధన చేయునప్పుడు వేటిని అడుగుదురో అవి దొరికినవని నమ్మిన యెడల మీరు వాటినన్నింటినీ పొదుదురని వారితో చెప్పెను. మత్తయి 21:22

V1.అల్లాహ్ [ప్రభువు] కే కృతజ్ఞతా స్తుతులు యేసు చెల్లించేవారు.
1.ఆ గడియలోనే యేసు పరిశుద్ధాత్మ యందు బహుగా ఆనందించి - తండ్రీ [అల్లాహ్] ఆకాశమునకును,భూమికిని ప్రభువా ,నీవు జ్ఞానులకును వివేకులకును ఈ సంగతులను మరుగు చేసి పసి బాలురకు బయలు పరచినావని నిన్ను స్తుతించుచున్నాను. లూకా 10:21
2.యేసు కన్నులు పైకెత్తి - తండ్రీ [అల్లాహ్] నీవు నా మనవి వినినందున నీకు కృతజ్ఞతా స్తుతులు చెల్లించుచున్నాను. యోహాను 11:41
3.ఆ యేడు రొట్టెలను ఆ చేపలను పట్టుకొని కృతజ్ఞతాస్తుతులు చెల్లించి వాటిని విరిచి తన శిష్యులకిచ్చెను.శిష్యులు జన సమూహమునకు వడ్డించిరి. మత్తయి 15:36

V11.యేసు చేసిన కార్యములకు ప్రజజలు అల్లాహ్ [దెవుని]నే మహిమ పరిచేవారు
1. మూగవారు మాటలాడుటయును,అంగహీనులు బాగుపడుటయును,గ్రుడ్డివారు చూచుటయును జన సమూహము చూచి ఆశ్చర్యపడి ఇశ్రాయేలు దేవుని [అల్లాహ్]ను మహిమపరచిరి. మత్తయి 15:31
2...వారందరూ విభ్రాంతి నొంది - మనమీలాంటి కార్యములను ఎన్నడును చూడలేదని చెప్పుకొనుచు,దేవుని [అల్లాహ్]ను మహిమపరచిరి. మార్కు 2:12
3.వెంటనే వాడు చూపు పొంది దేవుని [అల్లాహ్]ను మహిమపరచుచు ఆయన [యెసు]ను వెంబడించెను.ప్రజలందరూ అది చూచి దేవుని [అల్లాహ్]కు స్తోత్రము చేసిరి. లూకా 18:43

V111.తండ్రి గొప్పవాడు [అల్లాహు అక్బర్] అని యేసు స్పష్టంగా ఎలుగెత్తి ప్రకటించేవారు.
1. దాసుడు [యేసు] తన యజమాని [అల్లాహ్] కంటే గొప్పవాడు కాడు.పంపబడినవాడు [అపోస్తులు] పంపినవాని [యేసు] కంటే గొప్పవాడు కాదని మీతో నిశ్చయముగా చెప్పుచున్నాను. యోహాను 13:16
2. ...యొక స్త్రీ ఆయనను చూచి - నిన్ను మోసిన గర్భమును నీవు కుడిచిన స్తనములును ధన్యములైనవని కేకలు వేసి చెప్పగా ఆయన [యేసు] - అవునుగాని దేవుని వాక్యము విని దానిని గైకొనువారు మరి ధన్యులని చెప్పెను. లూకా 11:27-28
3.యేసు..దేవుని [అల్లాహ్] సువార్త ప్రకటించుచూ గలిలయకు వచ్చెను. మార్కు 1:14-15
4.తండ్రి [యెహోవా] నా యేసు] కంటే గొప్పవాడు. యోహాను :14:28
5...నా తండ్రి [అల్లాహ్] అందరికంటే గొప్పవాడు. యోహాను 10:29

1X.యేసు బోధనలు విస్మరిస్తే కలిగే పర్యవసానం

1.నేను [యేసు] చెప్పు మాటల ప్రకారము మీరు చేయక  - ప్రభువా,ప్రభువా అని నన్ను పిలుచుట ఎందుకు? లూకా 6:46
2.మరియు యీనా [యేసు] మాటలు విని వాటి చొప్పున చేయని ప్రతీవాడు ఇసుక మీద తన ఇల్లు కట్టుకొనిన భుద్ధిహీనుని పోలి యుండును. మత్తయి :7:26
3.అప్పుడు - నేను [యేసు] మిమ్మును ఎన్నడును ఎరుగను;అక్రమము చేయువారలారా, నాయొద్ద నుండి పొడని వారితో చెప్పుదును. మత్తయి 7:23

X.అపార్ధానికి గురియైన ఒకే ఒక్క యేసు బోధ
నేనును తండ్రియును ఏకమైయున్నామని వారితో చెప్పెను.యోహాను 10:30
తండ్రి [దేవుని] యందు నేను [యేసు]ను ,నా [యేసు] యందు తండ్రి [దేవుడు] యు ఉన్నామని నమ్ముడి. యోహాను 14:11
యేసు చెప్పినది అస్తిత్వము విషయములో కాదని కేవలం ఆలోచనల విషయములోనే అని యేసు చెప్పిన మరికొన్ని వాక్యాలను బట్టి మనకు అర్ధమవుతుంది.

ఉదా : కొన్ని వాక్యాలు పరిశీలిద్దాం
1.నేను [యేసు] నా తండ్రి [దేవుని] యందును మీరు [శిష్యులు] నా [యేసు] యందును, నేను [యేసు] మీ [శిష్యులు] యందును ఉన్నామని ఆ దినమున మీరెరుగరు. యోహాను 14:20
2. ...పరిశుద్ధుడవైన తండ్రీ, మనము [యేసు మరియు దేవుడు] ఏకమైయున్నలాగున,వారును [శిష్యులందరు] ఏకమై యుడునట్లు నీవు నాకనుగ్రహించిన నీ నామమందు వారిని కాపాడుము. యోహాను 17:11
3.వారి [శిష్యులు] యందు నేను [యేసు]ను ,నా [యేసు] యందు నీవు [దేవుడు]ను ఉండుటవలన వారు సంపూర్ణులుగా చేయబడి... యోహాను 17:23

పై వాక్యముల ప్రకారము శిష్యులు + యేసు + దేవుడు ఒకరి యందు ఒకరు అస్తిత్వములో ఏకమై యుంటే దేవుడు + యేసుతో పాటు శిష్యులందరూ దైవత్వంలో భాగస్వాములైపోతారు.కాబట్టి ఆలోచనలలోనే ఏకం కాగలరు. గాని అస్తిత్వములో ఏకం కాలేరన్నది నిర్వివాదాంశం.

X1. యోహొవా [అల్లాహ్] ను వదలి ఇతరులను ఆరాధించడం వ్యభిచారం మరియు శాపగ్రస్తము.ఎందుకంటే ???
1. నిన్ను సృష్టించిన వాడు నీకు భర్తయై యున్నాడు.సైన్యములకధిపతి యగు యెహొవా [అల్లాహ్] అని ఆయనకు పేరు. యెషయా 54:5
2.యెహొవా [అల్లాహ్] ఈలాగు సెలవిచ్చుచున్నాడు.నరులను ఆశ్రయించి శరీరులను తన కాధారముగా చేసుకొనుచు తన హృదయమును యెహోవా [అల్లాహ్] మీద నుండి తొలగించుకొనువాడు శాపగ్రస్తుడు. ఇర్మియా 17:5
3. ...'నీవు నీ దేవుని [యెహొవా]ను విసర్జించి వ్యభిచరించితివి. హోషేయ 9:1
4. ప్రభువా [అల్లాహ్] నీవు దయాళుడవు క్షమించుటకు సిద్ధమైన మనస్సు గలవాడవు. కీర్తన 86:5
5......అయినను నీవు అనేకులైన విటకాండ్రతో వ్యభిచారం చేసినను నా యొద్ధకి తిరిగి రమ్మని యెహొవా  సెలవిచ్చుచున్నాడు. యిర్మియా 3:1

ప్రియ చదువరీ !

 యేసు బోధనల వెలుగులో దేవుడు [తండ్రి/ప్రభువు/యెహొవా/అల్లాహ్] ఒక్కడే అని రూడీ అయిన తర్వాత ఆలస్యమెందుకు? నేడే ! ఇప్పుడే !! విరిగి నలిగిన హృదయంతో దేవును తట్టు తిరుగుము.ఆజ్ఞాతిక్రమం [ముఖ్యముగా ప్రధానమైన ఆజ్ఞ మీరడం] వల్ల వచ్చిన గొప్ప పాపము నుండి క్షమించమని దేవునికి మొరపెట్టుము.అప్పుడు నీవును నీ ఇంటి వారును రక్షింపబడుదురు.

X11.చివరిగా యేసు చేసే హెచ్చరిక!!
1.ప్రభువా, ప్రభువా అని నన్ను [యేసును] పిలుచు ప్రతివాడును పరలోక రాజ్యములో ప్రవేశించడు. మత్తయి 7:21
2....అల్లాహ్ [యెహొవా]కు భాగస్వాములుగా చేసే వారికి అల్లాహ్ స్వర్గాన్ని [నిత్యజీవాన్ని] నిషిద్ధం చేశాడు.వారి నివాసం నరకం.అటువంటి దుర్మార్గులకు సహాయం అందించేవాడెవడూ లేడు. దివ్య ఖుర్ ఆన్  :5:72.

                         యేసు సువార్త ద్వారా తెలిసిన విషయం

సర్వ సృష్తికర్తయైన అల్లాహ్ [యెహొవా] ఒక్కడే ఆరాధనకు అర్హుడైన దేవుడు అన్న ప్రధానమైన యేసు యొక్క ఈ బోధను తృణీకరిస్తే పరలోక రాజ్యంలో ప్రవేశింపరని స్పష్టమగుచున్నది.     DOWNLOAD

8, ఆగస్టు 2013, గురువారం

వేదశాస్త్రాల ప్రకారం పునర్జన్మలున్నాయా?

పరలోకాన్ని వ్యతిరేకించే కొందరి నమ్మకాల్లో ఓ నమ్మకం "పునర్జన్మ" సిద్ధాంతం.ఈ విశ్వాసం లేక సిద్ధాంతం ప్రకారం మనిషి తన కర్మల సత్ఫలితాలను, దుష్ఫలితాలను అనుభవించడానికి ఈ లోకంలోనే పదే పదే జన్మిస్తాడని,తన కర్మల ఫలితంగా ఒకప్పుడు మనిషిగా జన్మిస్తే మరొక్కప్పుడు ఏదో ఒక జంతువుగానో,కీటకంగానో లేక చెట్టుచేమల రూపంలోనో జన్మించి మరల,మరల ఈ లోకంలోకే వస్తాడు అన్నది.ఈ సిద్ధాంతం ఓ కాలంలో బాగా ప్రాచుర్యం పొందింది.గ్రీకు,రోమన్లు ఈ సిద్ధాంతాన్ని బాగా నమ్ముతారు.ఈజిఫ్ట్ ప్రాచీన చరిత్రలోను ఈ విశ్వాసం కానవస్తుంది.వీటి ప్రభావంగా ఓ కాలంలో యూదుల్లోను ఈ నమ్మకం వ్రేళ్లూనుకుంది.మన భారతదేశంలోని హిందువుల్లోను,జైనుల్లోను,బౌద్ధుల్లోను దీనికి మంచి ప్రాచుర్యం లభించింది.
    ఈ పునర్జన్మ సిద్ధాంతానికి సంబంధించిన ఆలోచనలు,నమ్మకాలన్నిటిని,ఆధునిక విజ్ఞాన శాస్త్రం,జీవితం గురించి నేడు తెలుసుకున్న యదార్ధాలు పూర్తిగా కొట్టిపారేశాయి.ఈ సిద్ధాంతాన్ని మనం విజ్ఞానం,తర్కం వెలుగులో సమీక్షిస్తే ఇది కేవలం ఓ అసత్యమైన నమ్మకం లేక సిద్ధాంతం అని చెప్పడంలో సందేహం ఏమాత్రం ఉండదు.
     పునర్జన్మ సిద్ధాంతం పరలోక సిద్ధాంతానికి వ్యతిరేకమే కాకుండా దీనివల్ల మతానికి,మత భావాలకు కూడా తీవ్రమైన విఘాతం కలుగుతుంది.ఈ సిద్ధాంతాన్ని ఆచరణలో పెడితే నాగరికులు,విద్యావంతులు అనబడే వారి దృష్టిలో దీనికి ఎలాంటి విలువే ఉండదు.మతం ఓ శక్తిగా మారి అది పైకొచ్చే మార్గాలన్నీ మూసివేయబడతాయి.ఈ సిద్ధాంతాన్ని నమ్మేవారు సైతం దీన్ని తమ ఆచరణలో పెట్టకుండా దూరంగానే ఉంచుతున్నారు.దాన్ని తమ నిజజీవితంలో ఆచరించడం లేదు,ఆచరించనూలేరు.
       పునర్జన్మ విశ్వాసంలో సాధారణ ప్రజలకు ఎంతో కొంత ఆసక్తి,ఆకర్షణ ఉండడానికి కారణం,కేవలం ఈ విశ్వాసం ద్వారా మనిషి సంబంధం తన జన్మభూమి నుండి తెగిపోకుండా ఉండడమే;అతడు మరణించినతరువాత కూడా ఏదో ఒక రూపంలో ఈ ప్రపంచంతో సంబధం కలిగి ఉంటాడన్న భావమే.ఈ ధరిత్రి ఎడల అతనికున్న అనురాగం,మమకారం,ప్రేమ అతణ్ణి జరుగబోయేదాని గురించి ఆలోచించే అవ్కాశమే ఇవ్వవు.అసలు జీవితం పరిమితమైన ఈ ప్రపంచం కంటే అనేక రెట్లు అధికమని తెలిస్తే ఎంత బాగుంటుంది!
          పునర్జన్మ సిద్ధాంతం గురించి సహేతుకమైన,ఆచరణయోగ్యమైన దృష్టికోణాలతో సంగ్రంగా పరిశీలించే అవకాశం ఇక్కడ లేకపోయినా ఓ మౌలిక విషయం వైపు మాత్రం దృష్టిని మళ్లించే ప్రయత్నం చేస్తాను.జంతు,వృక్షశాస్త్ర అధ్యయనం వల్ల మనకు తెలిసేదేమిటంటే,వృక్ష సంతతి మాట అటుంచి కేవలం జంతుజాలాలు ,మనిషి నడుమ ఉన్న వ్యత్యాసమే భర్తీ చేయ వీలులేనటువంటిదని,వృక్ష సంతతి మరియు జంతు సంతతిలో స్పృహ అనేదే లేదు అని తెలుస్తుంది.తన గురించి తాను అర్ధం చేసుకునే స్పృహ కేవలం మనిషిలోనే ఉంది.ఏ జంతువులోనో,ఏ చెట్టులోనో మనిషి ఆత్మ,తాను జంతువు రూపంలోనో,చెట్టుచేమల రూపంలోనో ఉన్నానని,తాను చేసిన దుష్కృత్యాలకు ఫలితం ఇలా ఈ రూపంలో లభిస్తుందని ఎలా తెలుసుకోగలరు?
         మనిషి ఆత్మ,స్పృహరహితమైన జంతువు లేక వృక్షం ఆత్మగా మార్చబడి శిక్షించబడుతోంది అని ఏ ప్రబుద్దుడైనా అంటే,మనిషి ఆత్మ,జంతువు ఆత్మకు ఉన్న తేడా ప్రకారం,ఓ మనిషి ఆత్మ,జంతువు ఆత్మగా మార్చబడితే మోదట దానికి ఉన్న వ్యక్తిత్వంగాని,శక్తిగాని దానికి ఉండదు అని అతడు గ్రహించాలి.ఇలా జరిగినప్పుడు మరో ఆత్మ ఉనికిలోనికి వస్తుంది.ఆ వ్యక్తిత్వంగాని,ఆ ఆత్మగాని ఉండకపోతే శ్క్షించబడేదెవరు? చెట్లు,జంతువులు వగైరాలు పూర్వజన్మ దుష్కృతం వల్ల శిక్షల రూపంలో ఉనికిలోనికి వచ్చాయి అని మనం ఒప్పుకున్నా ఆ శిక్ష మానవాత్మలకు కాదు,శిక్షకు అర్హులు కానటువంటి ఇతర అమాయక ఆత్మలకు లభిస్తోంది.ఈ చెట్టుచేమలు,జంతుజాలం మనిషికి గొప్ప వరాలు.అవి పాపాల ఫలితంగానే ఉనికిలోనికి వచ్చాయి అని అనడం,వాటిపై అభాండాలు వేసి అత్యాచారం చేసినట్లే.పాప ఫలితంగా మనకు ఈ వరాలు లభిస్తాయి అని అనుకుంటే ఈ పాపం మానవత్వానికి మానవజాతికి ఎంతో అవ్సరం అని అనక తప్పదు.సరికదా మానవ మనుగడ,ప్రపంచ అందచందాలు ఈ పాపాల ఫలితంగానే సాగుతున్నాయని కూడా చెప్పవచ్చు.ఈ నేపధ్యంలో,మన హృదయాల్లో దైవం కోసం రవ్వంత కృతజ్ఞతాభావం కూడా పొడసూపదు.మనం ఈ ప్రపంచాన్ని,ఇక్కడి వరాలను వనరులను,వనరుల్ని మరో దృష్టితో చూడాల్సి వస్తుంది.పేదసాదల్ని,కష్టాల్లో కడగండ్లలో జీవితం నెట్టుకువచ్చేవారిని,పాపాత్ములని,వీళ్లు పాపాత్ములు కాకపోతే వీరికి ఈ స్ధితి దాపురించేదే కాదు అని అనుకోవలసివచ్చేది మనం.
         పునర్జన్మ సిద్ధాంతం వేద బోధనలకు కూడా వ్యతిరేకమే.వేదాల్ని అధ్యయనం చేస్తే,ఆర్యులు పరలోకాన్ని నమ్మేవారని తెలుస్తోంది.వారి విశ్వాసం ప్రకారం మరణానంతరం మనిషికి మరో జీవితం లభిస్తుందని,అది మనిషి కర్మలకు అనుగుణంగా మేలైనదైనా,కీడైనదైనా అయివుండవచ్చు.
         "మంత్రం" మరియు బ్రాహ్మణాల్లోను "పితృలోక" విశ్వాసం ఉంది.ఆ విశ్వాసంలో పునర్జన్మకు తావేలేదు.ఆ తరువాతి "సూత్ర"కాలంలో,పితృలోక విశ్వాసానికి తోడు పునర్జన్మ సిద్ధాంతం కూడా చోటుచేసుకుంది.ఆ తరువాత పురాణ కాలం నాటికి పితృలోక విశ్వాసంతో పాటు పునర్జన్మ విశ్వాసం చెరిసమంగా మనకు కానవస్తాయి.వేదాలు పునర్జన్మను నమ్మవు.ఇది యదార్ధం.ఎవరైతే వేదాల నుండి పునర్జన్మ సిద్ధాంతాన్ని రుజువు చేయడానికి ప్రయత్నం చేస్తారో,వారు న్యాయంగా వ్యవహరించరు.కొందరైతే ఖుర్ ఆన్ నుండి కూడా పునర్జన్మ సిద్ధాంతాన్ని సాధించే ప్రయత్నం చేశారు.కాని వారి ఈ ప్రయత్నాలకు సత్యంతో ఎలాంటి సంబంధం లేదు.డాక్టర్ సర్వేపల్లి రాధాకృష్ణన్ తన గ్రంధం "ఇండియన్ ఫిలాసఫీ"సంపుటం-1లోని 113-116 పేజీల్లో,వేదాల్లో పునర్జన్మ సిద్ధాంతం లభించదు అని రాశారు.ఇలాగే అనేక మంది హిందూ విద్వాన్సుల భావం కూడా అదే.ప్రాచ్యమతాల ప్రఖ్యాత అధ్యయనకర్త "మూక్స్ ముల్లర్" వేదాలను అధ్యయనం చేసిన తరువాత,"వేదాల్లో పునర్జన్మ సిద్ధాంతం అనేదే లేదు అందు పరలోకవాదమే లభిన్స్తుంది" అని రాశాడు.
              వేదాల్లో ఇలా ఉంది:
     "వారు పరలోకాన్ని మరచి,బుద్ధీజ్ఞానాలను వదిలేసి మాచే నిర్ణయించబడ్డ హద్దులను దాటే ప్రయత్నం చేస్తున్నారు." [ఋగ్వేదం-1:3-4]
      "గుర్రానికి ప్రతిదినం గడ్డి ఎలా కేటాయించబడుతుందో ఓ అగ్నీ!ధనాన్ని [కూడగట్టి]భద్రపరిచే వారి నుండి అంతిమ దినం నాడు నేను లెఖ్ఖ గైకొంటాను" [యజుర్వేదం-50:11-75]
      సత్యార్ధ విద్యాలంకార్ ఇలా రాశారు:
      "వేదాల్లో పునర్జన్మ సిద్ధాంతం లేదు.ఈ విషయం గురించి నేను జూదం కూడా ఆడగలను [బెట్టుకాస్తాను]" పునర్జన్మ:పేజి.104
      డా.పరాడా చౌహాన్ ఇలా రాశారు:
      "వేదాల్లో పునర్జన్మ గురించి ఉంది.అయితే అందులో ఈ జన్మ తరువాత కేవలం ఒకే ఒక జన్మ గురించి రాసుంది.వేలాది జన్మ గురించి కాదు." [పునర్జన్మ మరియు వేదాలు:పేజి.93]
      వేదాల్లో ఇలా ఉంది:
      "అగ్ని యొక్క ప్రాముఖ్యతను తెలుసుకునేందుకు సూర్యుణ్ణి పొందే ప్రయత్నం చేయండి.మాతరిశ్వుడు,భృగుడు అనేవాళ్లు మా ద్వారానే రెండు జన్మలను తెలుసుకొని నమ్మారు." [ఋగ్వేదం:1-11-1]
       మరణానంతర జీవితం గురించి ఖుర్ ఆన్ ఇచ్చిన ప్రస్ఫుటమైన విశ్వాసం ప్రకారం,పై వేదమంత్రాలు సత్యం అనడంలో ఎలాంటి సందేహం లేదు.తత్సంబంధమైన ఊహాగానాలకు బదులు దైవవాణి ద్వారానే ఈ విశ్వాసాన్ని అర్ధం చేసుకోవచ్చు.దివ్యఖురాన్ తన అనేక ప్రత్యేకతలకు తోడు "అల్ ముహైమిన్" కూడా అంటే గతించిన సర్వసత్య బోధనలను తనలో నిక్షిప్తం చేసుకున్న గ్రంధం అని అర్ధం.ఎవరైతే ఖురాన్ ను అధ్యయనం చేస్తారో వారు సకల ఆకాశ గ్రంధాలను [దైవగ్రంధాలను],సర్వప్రవక్తల మౌలిక బోధనలను అధ్యయనం చేసినట్లే.మౌలికంగా,ఖురాన్ మరే క్రొత్త సిద్ధాంతంతోగాని,మరే ఇతర క్రొత్త సందేశంతోగాని అవతరించలేదు.ఈ గ్రంధం ఎప్పుడైతే పరలోకాన్ని ధృవపరుస్తోందో, మరణానంతర జీవితానికి సంబంధించిన మూలసిద్ధాంతం కూడా సకల సత్యధర్మాలకు అదే అయి ఉండింది అని అర్ధం చేసుకోవచ్చు.సత్యధర్మం ఎల్లప్పుడు పరలోక విశ్వాసాన్నే బోధించింది అని అనడానికి,గత గ్రంధాల్లో తత్సంబంధమైన ఆధారాలు,బోధనలు లభిస్తాయి.ఇతర నమ్మకాలు,సిద్ధాంతాలన్నీ కేవలం మనుషుల మనోమస్తిష్కాల నుండి వెలువడ్డవే.
                                                     ఇంకా వుంది.....

7, ఆగస్టు 2013, బుధవారం

ఆ కల్కి అవతారపురుషుడు ఎవరు?

మన వేదాలలోనూ,పురాణాలలోను భవిష్యవాణిగా వస్తాడని చెప్పబడిన ఆ కల్కి అవతారపురుషుడు ఎవరు? ఆయన గురించి మన హిందుశాస్త్రాలు ఏమని ఘోషిస్తున్నాయి? ఆయన లక్షణాలు,గుణగుణాలు ఏమని వర్ణించబడ్డాయి? ఇంతకీ ఆయన వీరభోగవసంతరాయులా? లేక జీసస్సా ? ముహమ్మద్ [స] మా?వేరేఎవరైనా ఉన్నారా? ఆ కల్కి వచ్చేసి వెళ్లిపోయారా? ఇంకా రావల్సివుందా?
హిందుశాస్త్రాలపై జరిగిన అద్భుతపరిశోధన.
అతి త్వరలో ...మీకోసం......

4, ఆగస్టు 2013, ఆదివారం

ఆకుల రూపంలో వున్న వింత జీవులు

సృష్టికర్త అయిన దేవుడు ఎన్నో సృష్టిరాశులను తయారు చేసాడు.ఆ అందాల సృష్టిని చూడాలంటే ఈ జీవితం ఏమాత్రం సరిపోదు.అటువంటి అందమైన దైవం సృష్టిలో ఈ క్రింది అద్భుత జీవులను చూడండి.
















2, ఆగస్టు 2013, శుక్రవారం

శక్తి యొక్క 48 సూత్రాలు.

కొందరు అధికారంతో,శక్తితో ఆడుకుంటారు.ప్రాణాంతకమైన ఒక పొరపాటువల్ల తమ శక్తి మొత్తం పోగొట్టు కుంటారు.కొందరు అవసరమైనదానికన్నా ముందుకి వెళ్లిపోతే,మరికొందరు అవసర మైనంత మేరకి కూడాముందుకు పోలేరు. కానీ అతి తక్కువమంది సరైన పనులు చేసి,ఎంతో తెలివిగా శక్తిమంతులవుతారు.
శక్తి యొక్క 48 సూత్రాలు ఆధునికయుగంలో జిత్తులని ఉపయోగించి స్వార్ధప్రయోజనాలని సాధించటానికి పనికి వచ్చే మార్గదర్శి.మీరు ఇంతవరకు కొన్న పుస్తకాలన్నిటిలోకి ఇదే ఎంతో ఆసక్తికరమైనదీ,ఉపయోగకరమైనదీ కావచ్చు.
ఈ పుస్తకాన్ని రాబర్ట్ గ్రీన్ [లాస్ ఏంజిల్] గారు రచించారు.తెలుగులోకి ఆర్.శాంతసుందరి గారు తర్జుమా చేసారు.ముఖ్యముగా ఈ పుస్తకం మనిషి జీవితంలో నెగ్గుకు రావాలంటే ఏమి చేయాలి? శిఖరంపైకి ఎలా చేరుకోవాలి? అక్కడే ఎలా ఉండాలి? వంటి ఎన్నో ప్రశ్నలకు 48సూత్రాలతో ఎంతో విడమర్చి చెప్పడం జరిగింది.నేను కేవలం 48సూత్రాలు అందిస్తాను.వాటిని జీవితంలో ఎలా ఉపయోగించుకోవాలో తెలియాలంటే మీరు ఆ పుస్తకాన్ని చదవాల్సిందే.
ప్రతి సూత్రాన్ని 1.వివేకం, 2.శక్తిని పొందే కీలకం, 3.చిత్రం [ఉదాహరణ] అనే మూడు విధాలుగా ఒకొక్క సూత్రాన్ని వర్ణించిన తీరు అద్భుతంగా వుంది.
శక్తి యొక్క 48 సూత్రాలు
1.బాస్ ని మించినట్టు ప్రవర్తంచవద్దు
2.మిత్రులని అతిగా నమ్మవద్దు,శత్రువులని ఎలా ఉపయోగించుకోవాలో నేర్చుకోండి
3.మీ ఉద్దేశాలని దాచిపెట్టండి
4.అవసరమైన దానికన్నా తక్కువే మాట్లాడండి
5.పేరు ప్రతిష్ఠలు మీదే ఎంతో ఆధారపడి ఉంది-ప్రాణ సమానంగా కాపాడుకోండి
6.ఏది ఏమైనా సరే అందరి దృష్టిని ఆకట్టుకోండి
7.మీ పని ఇంకొకరి చేత చేయించండి,కాని పేరు ఎప్పుడూ మీకే దక్కేట్టు చూసుకోండి
8.ఇతరులని మీ దగ్గరకి రప్పించుకోండి-అవసరమైతే ఎరని ఉపయోగించండి
9.వాదనతో కాదు,మీ చేతలతోనే గెలవండి
10.అంటువ్యాధి : దురదృష్టవంతులకి దూరంగా ఉండండి.
11.ఇతరులు మీమీద ఆధారపడేలా ఎలా చేయాలో నేర్చుకోండి
12.నిజాయితీని,ఉదారతను జాగ్రత్తగా ఎంచుకోండి
13.సహాయం కోరేటప్పుడు,అవతలివారి దయనీ,కృతజ్ఞతనీ ఆశించవద్దు.
14.స్నేహితుడిలా నటించండి,గూఢచారిలా పని కానివ్వండి.
15.మీ శత్రువుని పూర్తిగా అణచివెయ్యండి
16.గౌరవాన్ని సంపాదించేందుకు అంటీముట్టనట్టుగా ఉండండి
17.అవతలివారిని ఉత్కంఠకు గురిచేయండి.ముందుగా ఊహించటానికి వీలులేని వాతావరణాన్ని సృష్టించండి.
18.ఆత్మరక్షణకోసం కోటలు కట్టుకోకండి-ఏకాంతవాసం ప్రమాదకరమైంది.
19.మీరు ఎవరితో వ్యవహరిస్తున్నారో తెలుసుకోండి-పొరపాటున తప్పుచేయని వ్యక్తికి కోపం తెప్పించకండి.
20.ఎవరికీ నిబద్ధుడై ఉండొద్దు.
21.మూర్ఖుడిగా కనిపించటంకోసం,మూర్ఖుడిలా ప్రవర్తించండి-మీ ముందున్నవ్యక్తికన్నా అమాయకుడిలా నటించండి.
22.లొంగిపోవడం అనే యుక్తిని ఉపయోగించండి:బలహీనతను శక్తిగా మార్చుకోండి.
23.మీ శక్తులన్నీ ఒకచోట కేంద్రీకరించండి.
24.పరిపూర్ణుడైన ఆస్థానికుడి పాత్ర నిర్వహించండి.
25.మిమ్మల్ని మీరు కొత్తగా సృష్టించుకోండి.
26.మీ చేతులను శుభ్రంగా ఉంచుకోండి.
27.మిమ్మల్ని ఆరాధించే అనుచరుల బృదాన్ని తయారుచేసుకునేందుకు వాళ్ల నమ్మకాన్ని సంపాదించండి.
28.ధైర్యంగా పనిలో ప్రవేశించండి.
29.చివరిదాకా పూర్తి ప్రణాళికని వేసుకోండి.
30.మీ విజయాలు సులభంగా సాధించినవన్నట్టు కనిపించనీయకండి.
31.ఇతరుల నిర్ణయాలని నియంత్రించండి. మీరు పంచే పేకముక్కలలో ఇతరులు ఆడేటట్టు చూడండి.
32.అందరూ కనే పగటికలలని సమర్ధించండి.
33.ప్రతి వ్యక్తిలోనూ ఉండే బలహీనమైన అన్శాన్ని గుర్తించండి.
34.మీ పద్ధతిలో మీరు రారాజులా ఉండండి. రాజులాగౌరవం పొందాలనుకుంటే,రాజులా పని చెయ్యండి.
35.సరైన సమయం ఎంచుకునే కళలో నిష్ణాతులు కండి.
36.మీరు పొందలేని వాటిని తిరస్కరించండి. వాటిని అలక్ష్యం చెయ్యడమే అన్నిటికన్నా ఉత్తమమైన ప్రతీకారం.
37.ఆకట్టుకునే అద్భుత దృశ్యాలని సృష్టించండి.
38.మీకిష్టం వచ్చినట్టు ఆలోచించండి,కానీ అందరిలా ప్రవర్తించండి
39.చేపల్ని పట్టేందుకు నీళ్లని కదపండి
40.ఉచితంగా లభించేవాటిని తిరస్కరించండి
41.గొప్ప వ్యక్తిని అనుకరించటం మానండి.
42.గొర్రెల కాపరి మీద దాడి చేస్తే గొర్రెలు చెదిరిపోతాయి.
43.ఇతరుల హృదయాలనీ,మనసులనీ జయించండి.
44.అద్దం చూపించి సమ్మోహితులనీ,కోపోద్రక్తులనీ చెయ్యండి
45.మార్పు అవసరమని ఉపదేశించండి,కాని ఒక్కసారిగా మరీ ఎక్కువ సంస్కరించకండి.
46.మరీ నిర్దుష్టంగా ఉన్నట్టు కనబడకండి.
47.లక్ష్యాన్ని దాటి వెళ్లకండి,గెలిచిన తరవాత ఎక్కడ ఆగాలో తెలుసుకోండి.
48.నిరాకారులుగా తయారవకండి.
___________________________________________________
అవసరమైన దానికన్నా తక్కువే మాట్లాడండి.ఈ పుస్తకం నేటి ప్రంపంచంలో ప్రగతి సాధించటానికి,ముందుకు దూసుకుపోవటానికి అవసరమయ్యే వంచన,నటన,పోరాట పటిమను మీకు నేర్పుతుంది.-ఇండిపెండెంట్ ఆన్ సన్ డే
Manjul Publishing House
  www.manjulindia.com 


___________________________________________________
మరిన్ని పుస్తకాలకోసం నా డైరీలోని పేజీ:"నేను చదివే పుస్తకాలు"క్లిక్ చేయండి.